Fresko
Wikipedia(e)tik
Freskoa (italieratik: affresca) horma edo sabai gisuztatu hezean kare-urez nahastutako koloreak erabiliz egindako pintura da. Gisua margolariak egunean egin dezakeen lanaren arabera zabaltzen da, lehortuz gero gogortu egiten baita, eta hezea behar du izan koloreak xurgatu ditzan. Aireko karbono anhidridoak karearekin erreakzionatzean koloreak gisuan finkatzen ditu.
Egiptoarrek, grekoek eta erromatarrek arrautza, goma arabiarra, lekeda eta argizaria erabiltzen zuten koloreak nahasteko.
Freskoan egindako pinturak garbitasun eta argitasun handia ematen dio koloreari; baina margolaria baldintza jakin batzuetan lan egitera behartuta dago, eta horregatik gutxi erabiltzen da gaur egun.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
