Fusio nuklear

Wikipedia(e)tik
Hona jo: nabigazioa, Bilatu
Deuterio eta Tritio fusioa, helio-4 sortuz, neutroi bat askatuz eta 17,59 MeV energia igorriz

Fusio nuklearra prozesu atomiko bat da, non bi nukleo edo gehiago batzen diren beste nukleo astunago bat sortzeko. Prozesu honekin energia kopuru handia igortzen edo xurgatzen da. Fusio nuklearra izarretan eta fusioko bonba atomikoetan (H lehergailuan) gertatzen da. Energia iturri honi erabilera zibila eman nahi zaio, elektrizitatea sortzeko, baina oraindik fase esperimentalean dago.

Teknologia[aldatu | aldatu iturburu kodea]

Fusio energia elektrizitatea sortzeko erabiltzeko dagoen zailtasun nagusia materia plasma egoeran erabili behar dela da.

Bi nukleo arin biltzen dira gehiago pisatzen duen nukleo bat osatzeko. Erreakzio mota hori izarren barruan (erreakzio termonuklear izenekoetan) gertatzen da, eta horien sorkuntza eta distira energetikoa ematen dizkie. Lurreko eskalan, fusio nuklearrari buruz egindako esperimentuek lehen mailako arazo handi bat dute: prozesuan erabiltzen diren energia kantitate handiak kontrolatzeko zailtasuna. Hala ere, etorkizuneko energi iturritzat hartua izan da, hondar erradiaktibo arriskutsurik sortzen ez duelako, eta itsas uretako deuterioa (hidrogeno 2) bezain ekonomikoak diren erregaietatik har daitekeelako.

Fusio nuklearraren erabilera ekonomikoak edukiko lituzkeen abantailak[aldatu | aldatu iturburu kodea]

Inoiz modu bideragarrian ekoiztea lortuko balitz, fusio nuklearrak hainbat abantaila edukiko lituzke zentral nuklearretan erabiltzen den fisio nuklearraren eta erregai fosilen aurrean: Haren alde daudenek diotenaren arabera:

  • Indartsuagoa da: Gaur egun erabiltzen diren energia iturriek baino energia gehiago sortuko omen luke, baita fisio nuklearrak sortzen duen energia baino gehiago ere.
  • Ekologikoagoa da: Fusio nuklearraren erregairik egokiena hidrogenoa da, eta hidrogenoa ez da erradiaktiboa, toxikoa, urria edo garestia. Fusioaren ondoren geratzen den elementua, berriz, 4 helioa da, eta hura ez da erradioaktiboa ez toxikoa.
  • Ekonomikoagoa da: Fusioan erabilitako hidrogeno gramo batekin 11 tona ikatzekin lortzen den energia lortuko omen litzateke.

Ikus, gainera[aldatu | aldatu iturburu kodea]

Commonsen badira fitxategi gehiago, gai hau dutenak: Fusio nuklear Aldatu lotura Wikidatan