Gemini programa

Wikipedia(e)tik
Hona jo: nabigazioa, Bilatu
Gemini espazio-ontzia orbitan.
Artikulu hau NASAren programa buruzkoa da; beste esanahietarako, ikus «Gemini».

Gemini Programa, 1965. urtean hasi zen NASAk bere lehenengo proba espazialak egin ondoren (Mercury programa).

Nahiz eta honekin lortutako datuak oso garrantzitsuak izan hurrengo programak martxan jartzeko, ez zen egin Apollo programa edo lehen aipatutakoa bezain ospetsua.

Programaren Helburuak[aldatu | aldatu iturburu kodea]

Programa Apolo nahiko garatuta zegoenean, Gemini programa ofiziala egin zuten 1962ko urtarrilaren 3an.

Gemini 4 misioko ikurra

Helburu nagusia Apollo programan erabiltzeko garapen teknikoak lortzea zen. Horien artean Ilargi-modulua eta aginte-modulua elkartu nahi zuten, modu horretan, astronautak Ilargia utzi eta gero Lurrera bueltatzeko gai izango ziren espazio-ontzi osoarekin. Programaren beste helburu bat astronauten egonaldia espazioan bi asteetara luzatzea izan zen, hori Apollo programan eskatzen zena baino gehiago zen. Hegaldi luzeekin psikologikoki eta fisikoki astronautek nola erantzuten zuten ikusi nahi zuten, Apollo programarako prestatuta egoteko.

20 hilabete baino gutxiagotan 10 aireratze egin ziren, hauek guztiak Cañaveral lurmuturean (Florida)kokaturik zeuden plataformetan. Programa honetan Lyndon B. Johnson Zentro Espaziala (Texas) erabili egin zen programari segimenduak egin eta kontrolatzeko.

|

Gemini 1 misioaren aireratzea

Ontziaren ezaugarriak[aldatu | aldatu iturburu kodea]

Gemini ontzia Mercury bezalakoa zen baina hobekuntza batzuekin, horregatik, Mercury Mark II izendatu zuten. Aldaketa horiek tamainan eta kontroletan eman ziren gehien bat. Gemini espazio-ontziak 3.628,72 kg pisatzen zuen, Mercury-k, aldiz, erdia. Bestetik, Mercury-ko kabinan bakarrik astronauta baterako zegoen eginda, eta Geminirena birentzako, hori zela eta, kabina %50 batean handitu zuten. Bi pertsona zirenez eta nahiko denbora emango zutenez espazioan, biltegiratze handiagoa behar zuten erreserba gehiago gordetzeko.

Gemini kapsularen erreplika Neil Armstrong Air and Space Museum-an
Commonsen badira fitxategi gehiago, gai hau dutenak: Gemini programa Aldatu lotura Wikidatan