Giclas katalogoa

Giclas katalogoa mugimendu propio nabarmen bat duten izarrak dituen katalogo astronomiko bat da. Henry Lee Giclasek eta honen laguntzaile izan ziren Robert Burhnam, Jr. eta Norman G. Thomasek egin zuten bi zati ezberdinetan: lehena 1971n ipar hemisferiorako eta bestea 1978an hego hemisferiorako.

Bi katalogo hauek AEBetako Arizona estatuko Lowell Behatokian bildu ziren. Ipar hemisferioko katalogoak 8989 objektu biltzen ditu, hego hemisferiokoak soilik 2758 biltzen dituen bitartean, deklinazioari dagokionez estaldura ez osoaren ondoriozko diferentzia. Giclas katalogoa osatzen duten izarrak G FFF-NNNA eran agertzen dira, non FFF eta NNNk zenbaki osoak irudikatzen dituzten, hizki batekin batera (A), bigarren zenbakiaren atzean joan daitekeena. Adibidez, G 045-020 edo G 45-20k Wolf 359 (CN Leonis) izarra izendatzen du.

Euren Giclas zenbakiagatik ezagutzen diren izarren adibideak

Izarra	Izen alternatiboa	Konstelazioa	Distantzia (Argi-urteak)	Ezaugarri aipagarriak
G 99-49	GJ 3379	Orion	17,2	Nano gorria, izarrik gertukoena bere konstelazioaren barnean
G 196-3	NLTT 23293	Ursae Majoris	48,6	nano marroi batek lagundutako nano gorria
G 114-10	LTT 3201	Hidra	60	Metaltasun handiko nano gorria
G 261-43	GJ 9743	Cepheus	69,1	Bi nano zurik osatutako sistema bitar bat
G 21-15	Ross 137	Ofiuchus	179	Hiru nano zurik osatutako izar sistema

Ikus, gainera

• Bonner Durchmusterung
• Gliese katalogoa
• Ross katalogoa
• Zhakozhaj katalogoa

Kanpo estekak

• Datuak: Q2941618