Glizeraldehido-3-fosfato

Wikipedia(e)tik
Hona jo: nabigazioa, Bilatu

Glizeraldehido-3-fosfato bizidunen metabolismoaren funtsezko molekula da, C3H7O6P formula duena. Glukolisian, glukoneogenesian eta fotosintesiaren Calvin zikloan, esaterako, parte hartzen du, bide metaboliko garrantzitsuenak aipatzearren.


Glukolisi[aldatu | aldatu iturburu kodea]

Glukolisian glizeraldehido-3-fosfatoa fruktosa 1-6 difosfatotik abiatuta sortzen da, fruktosa difosfato aldolasa izeneko entzima batek katalizatutako errakzio honetan:

Reaction-F16BP-DOAP-GA3P unlabel.png
Fruktosa-1,6-difosfato Biochem reaction arrow reversible NNNN horiz med.png Dihidroxiazetona-fosfato + Glizeraldehido-3-fosfato

Glizeraldehido-3-fosfatoarekin batera dihidroxiazetona-fosfatoa ere agertzen da goiko erreakzioan.

Gero, eratutako dihidroxiazetona-fosfatoa glizeraldehido-3-fosfato bihurtzen da isomerasa batek katalizatutako erreakzio honetan:

Reaction DHAP to GAP.png
Dihidroxiazetona-fosfato Biochem reaction arrow reversible NNNN horiz med.png Glizeraldehido-3-fosfato

Modu honetan glukosa molekula batek bi molekula glizeraldehido-3-fosfato sortzen ditu glukolisian.


Glukoneogenesi[aldatu | aldatu iturburu kodea]

Glukoneogenesian glizeraldehido-3-fosfatoak glukolisiaren kontrako norabideko erreakzioak burutzen ditu, fruktosa 1-6 difosfatoa sortuz.


Calvin zikloa[aldatu | aldatu iturburu kodea]

Fotosintesiaren ilunpeko fasean glizeraldehido-3-fosfatoa honako erreakzio honetan sortzen da:

1,3-bisphospho-D-glycerate.svg   + NADPH + H+  Biochem reaction arrow reversible NNNN horiz med.png  NADP+ + Pi +   D-glyceraldehyde-3-phosphate wpmp.png
1,3-difosfoglizerato   Glizeraldehido-3-fosfato

Garrantzi handiko molekula da sortutako glizeraldehido-3-fosfatoa. Calvin zikloan sortzen diren molekula batzuek zikloan jarraitzen dute, baina beste batzuek ziklo honetatik ateratzen dira eta funtsezko prozesu biosintetikoetan (gluzidoenak, lipidoenak eta aminoazidoenak) parte hartzen dute.

Ikus, gainera[aldatu | aldatu iturburu kodea]