Guanina
Wikipedia(e)tik
Guanina azido nukleikoetan (DNAn zein RNAn) dagoen base nitrogenatuetako bat da (besteak adenina, timina, zitosina eta urazilo izanik). Base nitrogenatu purikoa da, purinatik eratortzen baita. DNAn guanina beti zitosinarekin elkartzen da, hiru hidrogeno zubien bitartez; lotura horrek egonkortasuna ematen dio DNA molekulari, bere bigarren mailako egitura mantenduz (adenina-timina loturak egiten duen modu berean).
Guaninaren nukleosidoa guanosina da. Nukleosido hori fosforilatzen denean guanosin monofosfato izeneko nukleotidoa (GMP) sortzen da.
