Gustav Robert Kirchhoff
Gustav Robert Kirchhoff (1824ko Martxoaren 12 - 1887ko Urriaren 17), fisikari alemaniarra izan zen. Batez ere, elektrizitate, espektroskopia eta gorputz beltzen alorretan egin zuen lan.
[aldatu] Bizitza
Königsbergen egin zituen ikasketak. Robert Bunsenekin batera, espektru bidezko analisiaren teoriaren oinarriak jarri zituen: gaiak, beroturik, igortzen duen argiaren espektruaren analisiaren bidez gaiaren analisi kimikoa egin daiteke, gai bakoitzak uhin hedadura bereziko argia igortzen baitu. Analisi mota horren bidez bi gai kimiko berri aurkitu zituzten: zesioa eta errubidioa. Analisi mota bera Eguzkiaren osaera aztertzeko erabili zuen, eta Eguzki argiaren espektruan agertzen diren marra ilunen zergatia argitu zuen. Aurkikuntza horrek eragin handia izan zuen astronomiaren aurrerapenean.
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
