Hasan sultanaren meskita-madrasa (Kairo)

Hasan sultanaren meskita-madrasa (Kairo)
	Islamdar Kairo
	Irudi gehiago
Kokapena
Estatu burujabe	Egipto
Egiptoko gobernadore-herria	Kairoko gobernazioa
Koordenatuak	30°01′55″N 31°15′24″E / 30.0319°N 31.2567°E
Historia eta erabilera
Irekiera	1363
Arkitektura
Estiloa	Islamiar arkitektura
Ondarea

Hasan Sultanaren madrasa-meskita Kairoko (Egipto) barruti historikoan dagoen eraikina da. 1356 eta 1363 artean eraiki zen, mamelukoen garaian.

Historia[aldatu | aldatu iturburu kodea]

Meskitaren eraikuntza 1356 urtean hasi zen.

Meskitaren eraikuntzari buruzko iturririk funtsezkoena al-Maqrizi idazlea da, eta sei hamarkada geroago idatzi zuen. Maqrizik dioenez, eraikuntzaren kostua 30.000 dirhamekoa izan zen egunero.^[1] Eraikuntzaren kostu osoa milioi bat dinar baino gehiagokoa izan zen, eta horrek Erdi Aroko Kairoko meskita garestiena bihurtu zuen.

Proiektuaren garrantziak Mamelukoen inperio osoko artisauak erakarri zituen, Anatolia urruneko probintziak barne, eta horrek azal ditzake meskitaren diseinuaren eta dekorazioaren aniztasuna eta berrikuntza. Halaber, uste da Gizako piramideen kareharria meskita eraikitzeko erabili zela.^[2]^[3]

Meskita behin baino gehiago erabili zen gotorleku gisa, edo erasoak egiteko leku modura.^[1] 1517. urtean, mamelukoen azken sultana, Tumanbay, meskitan gorde zen, otomandarrek Kairo konkistatu ondoren. Horregatik, otomandarrek meskita bonbardatu zuten. Kronikek diotenez, 1660an oraindik ikus zitezkeen bonbek egindako zuloak.

1659an iparraldeko minaretea kolapsatu egin zen. 1671-1672an txikiago bat jarri zuten, forma pixka bat desberdinekoa, eta, aldi berean, mausoleoaren jatorrizko zurezko kupularen ordez gaur egungo kupula jarri zuten.

1869an beste meskita bat eraiki zuten alboan, ar-Rifa'i meskita. 1912an amaitu zuten.

Deskribapen arkitektonikoa[aldatu | aldatu iturburu kodea]

Meskitak ia 8.000 metro karratu okupatzen ditu Kairoko gotorlekutik gertu.

Eraikinak 500 metro luze ditu, 68 metro zabal eta 36 metro garai. Meskita guztiak bezala, Mekara begira dago.

Gaur egun, meskitak bi minarete ditu. Iparraldekoa 1659an kolapsatu zen eta 1671-72an berreraiki zen.

Hasieran, lau minarete eraikitzea aurreikusi zuten. Hala ere, 1361ean, minarete horietako bat erori eta 300 bat pertsona hil zituen, lehen hezkuntzako haurrak barne. Horren ondoren, minareteen eraikuntza gelditu, eta gaur egungo biak utzi zituzten bakarrik.

Sarrerako ataria erraldoia da, eta 38 metroko altuera du.

Eraikinaren kanpoko hormak harrizkoak badira ere, barrualdearen zati handi bat adreiluzkoa da.

Erdiko patio handia espazio karratu zabal bat da, lau iwan handik inguratua, eta horietatik bat beste hirurak baino handiagoa da.

Argazki galeria[aldatu | aldatu iturburu kodea]

Meskita 1880an
Ezkerrean, Hasan Sultanaren meskita; ezkerrean, ar-Rifa'i meskita.
Fatxada
Ataria
Patioa, erdian iturria duela

Erreferentziak[aldatu | aldatu iturburu kodea]

↑ ^a ^b Martyn, Smith. Khitat 2:316-17. . Aipuaren errorea: Invalid <ref> tag; name "Maqrizi" defined multiple times with different content
↑ «The treasures of Egypt» NBC News.
↑ The Great Pyramid of Giza was once covered in highly polished white limestone, before it was removed to build mosques and fortresses. 6 September 2016.

Kanpo estekak[aldatu | aldatu iturburu kodea]

Meskitak Kairon
Sultan Hassanen argazki-galeria
Deskribapena: "Sultan Hassan Mezquita", Description de l'Égypte, edn Panckoucke, 18.2, 304-306 or., Audio (frantsesa).

Datuak: Q1430119
Multimedia: Mosque-Madrassa of Sultan Hassan / Q1430119

[Maqrizi-1] Martyn, Smith. Khitat 2:316-17. . Aipuaren errorea: Invalid <ref> tag; name "Maqrizi" defined multiple times with different content

[2] «The treasures of Egypt» NBC News.

[3] The Great Pyramid of Giza was once covered in highly polished white limestone, before it was removed to build mosques and fortresses. 6 September 2016.

[1]

[2]

[3]