Kairo
|
Kairo |
|
|---|---|
 |
|
| Ofiziala | القاهرة ( al-Qāhirah ) |
| Estatua |  Egipto |
| Zatiketa Gobernaria |
14 barruti Abdel Azim Mussa Wazir |
| Koordenatuak | 30°2′N 31°13′E / 30.033°N 31.217°EKoordenatuak: 30°2′N 31°13′E / 30.033°N 31.217°E |
|
|
|
| Eremua | 214 km2 |
| Garaiera | 68 m |
| Biztanleria Metropoli eremua |
6.758.581 bizt. 19.439.541 |
| Dentsitatea | 31.582,15 bizt./km² |
| Sorrera | 969. urtea |
| www.cairo.org | |
Kairo (arabieraz, القاهرة, al-Qāhirah) Egiptoko hiriburua da. Erdialdeko Egiptoko iparraldean dago, Niloren eskuinaldeko ibarrean, Mukatam mendiaren mendebaldean. Egiptoko eta arabiar munduko hiri handiena da, Afrikako hiririk handienetan bigarrena (Lagosen ondoren), eta Afrikako metropoli-gunerik handiena (15.546.100).
Gobernuaren egoitza eta unibertsitategunea da: Al Azhar arabiar unibertsitatea, Amerikar Unibertsitatea, Gizako Unibertsitatea eta Ain al Shams Unibertsitatea.
Eduki-taula |
[aldatu] Historia
Faraoien garaian ezaguna zen lekua: Horusen eta Sethen arteko borroka han izan zela esan ohi zen. Erromatarrek gotorleku bat eraiki zuten bertan, Babilonia izenekoa.
Hiria bera fatimitarrek sortu zuten 969an, abbastarren hiriburu zen Bagdadi lehia egiteko. Garai oparoena mamelukoena izan zen, izurri gogorrak zabaldu baziren ere (1295, 1347 eta 1492an). Otomanoen aginpideak ez zion aldaketa nabarmenik eragin hiriari. Bigarren Mundu Gerraren ondoren oso bizkor hasi zen handitzen: hala, 1945ean 1.300.000 biztanle zituen, eta gaur egun 19.439.541 ditu, ingurunea ere kontuan hartuta.
[aldatu] Ondasun nabarmenak
Kairoren bilakaera historikoaren arkeologia aztarna eta monumentu artistiko ugari gorde dira hirian: Auzune Koptoa (San Sergio eliza, V. mendean eraikia eta XI. mendean berriz moldatua); hiri hesitua, Aladinok XII. mendean eraikia; Hasan sultanaren madrasa, XIV. mendekoa, eta garai askotako ia 500 mezkita.
Kairon daude bestalde Egiptoar Museoa, Museo Koptoa eta Arte Islamiarraren Museoa, arte mota horietako munduko bilduma nagusiak dituztenak. Kairoko Egiptoar Museoan dago erakusgai Tutankamonen altxorra.
[aldatu] Kairotar ospetsuak
- Nagib Mahfuz (1911-2006), idazlea.
|
Gizateriaren Ondarea Egipton | |
|---|---|---|
|
Abu Mena • Islamdar Kairo • Menfis eta bere Nekropolia - Piramideen Eremua Gizatik Dahshurrera |
||
[aldatu] Erreferentziak
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/26 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.
