Iñaki Bergara Izagirre

Iñaki Bergara Izagirre
Bizitza
Jaiotza	Azpeitia, 1935
Herrialdea	Gipuzkoa, Euskal Herria
Heriotza	2016ko ekainaren 22a (80/81 urte)
Hezkuntza
Hizkuntzak	gaztelania euskara
Jarduerak
Jarduerak	aktorea
Izengoitia(k)	Pio

Artikulu hau aktoreari buruzkoa da; beste esanahietarako, ikus «Iñaki Bergara».

Iñaki Bergara Izagirre, ezizenez Pio (1935, Azpeitia, Gipuzkoa – 2016ko ekainaren 22a, Azpeitia, Gipuzkoa) euskal aktore bat izan zen.

Lehen antzezpena 25-30 urterekin egin zuen Bergarak, Ustekabeko poza antzezlanean. Azpeitiko Antxieta Antzerki Taldean hasi zuen antzerki ibilbidea ondoren, eta 22 urte inguru egin zituen bertan. Antxieta desegin zenean Lakrikun taldean hasi zen.

Antzerki amateurrean jardun zuen eta gero ETB1eko Goenkale telesailera salto egin zuen, bertan Kaxkurrio ezizena zuen pertsonai ahaztezina antzezteagatik ezagun egin zen. Balbemendi telesailean ere Lukasen papera antzeztu zuen. Zineman Topeka eta Ostertz laburmetraietan nahiz Aupa Etxebeste! filmean parte hartu zuen.

2011n Azpeitian urteetako ibilbide artistikoaren errekonozimendu gisa Txalo Saria eman zioten.

Filmografia

• Goenkale (1996-2006)
• Aupa Etxebeste! (2005)
• Balbemendi (2006)
• Brinkola (2009)
• Euskolegas (2009)

Kanpo estekak

• Iñaki Bergara Pio. Uztarria.eus

• Datuak: Q12260028