Iparraldeko Rio Grande

Iparraldeko Rio Grande^[1] Brasilgo ipar-ekialdean, Ozeano Atlantikoaren ertzean dagoen estatua da. 52.796 km²-ko azalera dauka eta 3.006.273 biztanle zituen 2005ean (57.7 biz./km2). Bere mugak hauek dira: iparraldean eta ekialdean, Ozeano Atlantikoa; mendebalean, Ceará; hegoaldean, Paraíba.

Natal hiriburua eta hiri nagusia da. Beste hiri nagusi batzuk: Mossoró, Caicó.

Geografia

Iparraldea zelaia eta hareatsua da, goi-ordokiak dira nagusi hegoaldean (Borboremako goi-ordokia) eta mendiak daude mendebalean. Kostaldea euritsu xamarra da; barnealdea, ordea, idorra. Tenperatura: 25-30 °C urtean.

Ekonomia

Baso handiak hustu dira XVII. mendetik aurrera, azukre-kanabera sailak landatzeko. Gatz ustiakuntza paduretan (Brasilgo ekoizpen osoaren % 60). Kotoia ere lantzen da. Tungsteno mea garrantzitsuak Borboremako goi-ordokian.

Historia

XVI. mendean kokatu ziren portugaldarrak Brasilgo ekialde muturreko kostalde haietan, eta frantses piraten aurka borrokan aritu ziren mende osoan zehar ia. 1599ko Eguberri egunean sortu zuten Natal hiria (horregatik izena), eta herri bat eratu zuten lurralde hartan. 1633-1654 urteen bitartean holandarrak izan ziren lurraldearen jabe. Garrantzitsuak izan ziren luzaroan azukre-kanaberaren eta, XVIII. mende hasieratik aurrera, kotoiaren ustiakuntza.

Ikus, gainera

Brasilen banaketa administratiboa

Kanpo loturak

Wikimedia Commonsen badira fitxategi gehiago, gai hau dutenak: Iparraldeko Rio Grande

(Portugesez) Estatuko webgune ofiziala

Artikulu hau Brasilgo geografiari buruzko zirriborroa da. Wikipedia lagun dezakezu edukia osatuz.

Erreferentziak

Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.

↑ Euskaltzaindia. (2012-05-25). 170. araua: Amerikako toponimia. .

[1] Euskaltzaindia. (2012-05-25). 170. araua: Amerikako toponimia. .

[1]