Jimena Alonso

Jimena Alonso
Bizitza
Jaiotza	Donostia, 1937
Herrialdea	Gipuzkoa, Euskal Herria
Heriotza	Madril, 2021eko irailaren 18a (83/84 urte)
Jarduerak
Jarduerak	feminista, editorea eta itzultzailea
Kidetza	Asociación Española de Mujeres Universitarias (en)

Jimena Alonso (Donostia, 1937 – Madril, 2021eko irailaren 18a) aktibista, pentsalari feminista eta arabierako irakaslea izan zen Madrilgo Unibertsitate Konplutentsean.^[1] Madrilgo Emakumeen Liburu-dendaren sortzaileetako bat ere izan zen, eta 1978an ireki zenetik 1981era arte arduratu zen horretaz.^[2]

Biografia[aldatu | aldatu iturburu kodea]

Artikulu autobiografiko batean, Alonsok dio Donostian jaio zela 1937ko abuztuan, ama eta aita Frantziarako bidean zeudenean. Bidaia eten egin zen aita atxilotu zutenean, Valladolideko Alderdi Komunista antolatu izana leporatuta - Jimena Alonsoren ustez faltsua zen akusazioa.

Emakumearen Askapenerako Frontean (FLM) militatu zuen eta 1977an, Fini Rubiorekin batera, Tribuna Feminista liburu-bilduma sortu zuen, Debate argitaletxean, Espainian saiakera feministari eskainitako lehen bilduma.

1970eko eta 1980ko hamarkadetan, Tribuna Feministarekin batera, garaiko pentsamendu feministaren ahots nagusiak argitaratu zituen: Isadora Duncan, Vera Figner edo Susan Sontag, eta Mary Wollstonecraft, Anaïs Nin edo Rosa Luxemburgoren obra klasikoak itzuli eta argitaratu zituen.

Militantzia-garaian, Euskadiko autodeterminazioaren aldeko jarrerak ere defendatu zituen. Konpromiso horren ondorioz talde armatuko ustezko kide izatea leporatu zioten eta 1983an espetxean sartu zuten zazpi urteko zigorrarekin. ^[3] Bere alaba Alda ere atxilotu zuten.^[4]

Alonso Unibertsitateko Emakumeen Elkarteko buru izan zen.^[5]

Erreferentziak[aldatu | aldatu iturburu kodea]

↑ Muere a los 84 años Jimena Alonso, cuya trayectoria feminista. .
↑ «Jimena Alonso, pionera del feminismo reciente e inspiración para hoy» andra.eus 2021-10-08 (Noiz kontsultatua: 2021-10-09).
↑ Jimena Alonso. Militante feminista y revolucionaria. .
↑ País. Jimena Alonso niega su relación con ETAm. ISSN 1134-6582..
↑ Lo de mujeres universitarias se ha quedado estrecho… (Entrevista a Jimena Alonso). .

Datuak: Q108652315

[1] Muere a los 84 años Jimena Alonso, cuya trayectoria feminista. .

[2] «Jimena Alonso, pionera del feminismo reciente e inspiración para hoy» andra.eus 2021-10-08 (Noiz kontsultatua: 2021-10-09).

[:0-3] Jimena Alonso. Militante feminista y revolucionaria. .

[4] País. Jimena Alonso niega su relación con ETAm. ISSN 1134-6582..

[5] Lo de mujeres universitarias se ha quedado estrecho… (Entrevista a Jimena Alonso). .

[1]

[2]

[3]

[4]

[5]