Juan Mari Etxabe

Juan Mari Etxabe
Bizitza
Jaiotza	Oiartzun, 1966ko abenduaren 13a (57 urte)
Herrialdea	Gipuzkoa, Euskal Herria
Hezkuntza
Hizkuntzak	euskara; gaztelania
Jarduerak
Jarduerak	arraunlaria

Juan Mari Etxabe Ezponda (Oiartzun, 1966ko abenduaren 13a) traineru estropadetako arraunlaria eta entrenatzailea da, hamaika Kontxako Bandera, bi TKE Liga eta bost Euskotren Liga irabazi dituena besteak beste.

Kirol ibilbidea[aldatu | aldatu iturburu kodea]

Pasai Donibaneko harrobian hasi zen arraunean. Taldea bitan banatu zenean Donibaneko Arraunlariak taldean aritu zen taldea desegin zen arte. San Juango traineruetan lau Kontxako Bandera irabazi zituen, 1986, 1988, 1990 eta 1995ean.

2002an arraunean egiteari utzi zion baina 2004an Urdaibaik fitxatu zuen eta TKE Liga irabazi zuen. Ondoren Castro Urdialesen aritu zen eta bi Kontxa eta Liga bat eskuratu zituen. Hasieran Jose Luis Kortaren esanetara aritu zen arraunlari eta 2008an haren tokia hartu zuen.^[1] 2009an lortu zuen TKE Liga irabaztea, bigarrenari 37 puntutako aldea aterata.

2014an emakumezkoen arraunean entrenatzaile hasi zen. Hiru urte egin zituen Bateleren taldean eta dena irabazi zuen, 3 Kontxa eta 3 Liga. 2016a amaitzean gizonezkoen traineruaren ardura hartu zuen.^[2]

2020an emakumezkoen arraunera itzuli zen, Donostiako Arraun Lagunak taldera.^[3] Kontxa bat eta bi Liga irabazi ditu eta Euskadiko Txapelketa ere birritan.

Taldeak[aldatu | aldatu iturburu kodea]

Hona hemen arraunean eta entrenatzen ibili izan den taldeen hurrenkera.

Taldea	Denboraldia/k
San Juan	1985-1991
Donibaneko Arraunlariak	1992-2001
San Juan	2002
Bermeo Urdaibai	2004
Castro Urdiales	2005-2009
Santurtzi	2010-2011
Bermeo Urdaibai	2012
San Juan (emakumezkoak)	2014-2016
San Juan (gizonezkoak)	2017-2020
Arraun Lagunak (emakumezkoak)	2021-

Palmaresa[aldatu | aldatu iturburu kodea]

Kontxako Bandera (11):
- San Juan: 1986, 1988, 1990
- Donibaneko: 1995.
- Castro Urdiales: 2006, 2008.
- San Juan (emakumezkoak): 2014, 2015, 2016.
- Arraun Lagunak (emakumezkoak): 2021, 2023.
Txapelketak:
- Espainiako Traineru Txapelketa (1): 1991.
- Euskadiko Traineru Txapelketa (5): 1990, 2014, 2016, 2021, 2022.
- Kantabriako Traineru Txapelketa (3): 2005, 2008, 2009
Ligak:
- Euskal Liga (1): 1995.
- TKE Liga (2): 2004, 2009.
- Emakumezkoen Traineru Liga (5): 2014, 2015, 2016, 2021, 2023.