Königssee aintzira

Königssee aintzira Königssee (de)
Kokalekua	Alemania 47°33′N 12°58′E
Garaiera	603 m
Eremua	5.2 km²
Zabalera	1.7 km
Luzera	7.7 km
Bataz besteko sakonera	98.1 m
Gehienezko sakonera	190 m
Betebidea	Eisbach, Schreinbach, Königsbach, Kesselbach, Reitlgraben, Fallaugraben, Brandgraben, Obersee
Hustubidea	Königsseer Asche
Uharteak	Christlieger
Hiriak	Schönau am Königsee

Königssee aintzira (bavarieraz: Keenigssää) Alpeetan dagoen aintzira da, Bavaria estatuan (Alemania). Berchtesgadengo Parke Nazionalaren barnean dago, Austriarekin mugan.

Etimologia

Königssee izenak alemanez "erregearen aintzira" esan nahi du.

Ezaugarriak

Lakua mendi handien artean kokatzen da. Mendebaldeko ertzean Watzmann mendia (2,713m) dago, Alemaniako hirugarren altuena. Lakuak berak fiordo itxura du, oso luzea eta oso sakona baita. Honen zergatia bere jatorriak azaltzen du, izan ere azken glaziazioan sortu baitzen.

Lakuari milaka argazki atera zaizkio eta iragarki askotan agertzen da, izan ere bere ur garbiak ispilu efektua egiten baitu. Turistentzako dauden untziak ere elektrikoak dira uraren garbitasuna ahalik eta gehien mantentzeko.

Herriak

Herri bakarra dago, Schönau am Königsee hain zuzen ere. Bost mila biztanle inguruko herria da. Aipatzekoa da St. Bartholomä eliza, lakuaren ertzean dagoena.

Iruditegia

• 

  Archenkanzel menditik begiratuta.

• 

  St. Bartholomä eliza eta Watzmann mendia.

• 

  Königssee St. Bartholomätik ikusita.

• 

  Königsseeko untzi elektrikoen kaia, Schönau am Königsseen.