Kanpoko Hebridak

Mendebaldeko Uharteak The Western Isles (en) Ooter Hebrides (sco) Na h-Eileanan Siar (ga)
85px
Estatua	Erresuma Batua
Probintzia	Eskozia
Hiriburua	Stornoway/Steòrnabhagh
Biztanleria	26.300 biztanle
Azalera	3.071 km2
Webgunea

Kanpoko Hebridak edo Mendebaldeko uharteak (ingelesez Outer Hebrides edo Western Isles; gaeleraz Na h-Eileanan Siar eta eskozieraz Ooter Hebrides) Eskoziako ipar-mendebaldean kokatzen den uharte multzo bat da, Ipar Ozeano Atlantikoan.

Guztira 3.071 km2-ko azalera daukate, 26.370 biztanleekin 2005ean (9 biz./km2). Uharte gehienak populaturik gabe daude.

Stornoway/Steòrnabhagh hiriburua da eta 5.602 biztanle ditu. Lewis eta Harrisen dago kokatuta.

Hebrida uharteak osatzen dituzte Barrukoekin batera.

Historia

• 1266an, Pertheko Itunaren bidez, Eskoziaren eskuetara igaro zen Norvegiaren kontrolpean 200 urtez egon ondoren.
• 1918an sortu zuten gaur egungo administrazio sistema uharteetarako.

Uharteak

Hebridak (Kanpoko Hebridak marroiz)

Uharte nagusiak

• Lewis eta Harris: 19.918 biztanle.
• South Uist: 1.818 biz.
• North Uist: 1.271 biz.
• Benbecula: 1.219 biz.
• Barra: 1.078 biz.

Uharte txikiak

• Scalpay: 322 biz.
• Great Bernera: 233 biz.
• Grimsay: 201 biz.
• Berneray: 136 biz.
• Eriskay: 133 biz.
• Vatersay: 94 biz.
• Baleshare: 49 biz.
• Grimsay: 19 biz.
• Flodda: 11 biz.
• Shiant uharteak

Gàidhealtachd

Gaelikodun lurraldea dugu hau, Eskozia osoan hiztun kontzentrazio gehien daukana, kopuru hau batez besteko %61koa izanik (15.723 hiztun).

Lewis eta Harris (Leodhas is na Hearadh) uhartean hiztunen portzentzaia handiena dago. Bertan, Barvas/Barabhas herri txikiak dauka portzentaia garaiena herrialde osoan, ia %75a. Bestela, South Oist eta Eriskay uharteetan 1.426 hiztun daude, biztanleen %73a.

Kanpo loturak

• (Ingelesez) Uharteetako webgune ofiziala
• Hebridean Celtic Festival
• (Ingelesez) Hebrida uharteetako argazkiak