Leukozito

Giza odolaren mikroskopio elektroniko bidezko irudia: leukozitoak itxura irregularrekoak dira.

Globulu zuriak edo leukozitoak odolaren hiru zelula motakoetako bat dira, globulu gorri eta plaketekin batera.

8-20 µm-ko diametroa daukate. Gizakiengan, kopuru normala 5.000-10.000/mm³ da.

Leukozitoen zeregina substantzia arrotz eta mikrobioen aurkako organismoaren defentsa antolaketan datza. Leukozitoak dira erantzun immunearen bizkarrezurra.

Mugikorrak dira, eta odolean eta linfan daude. Eritrozitoen aldean ez dute pigmentorik, eta nukleodunak dira (giza eritrozitoek ez dute nukleorik)

Sailkapena

• Granulozitoak:
  • Neutrofiloak
  • Basofiloak
  • Eosinofiloak

• Agranulozitoak:
  • Linfozitoak
  • Monozitoak

Lotutako gaixotasunak

Euren gabeziak leukopenia dakar, infekzioak sortzeko aukera handiagotuz.

Gehiegizko kopuruak, aldiz, leukozitosia eragiten du.

Ikus, gainera

• Zornea