Limpopo ibaia

Artikulu hau Afrikako ibaiari buruzkoa da; Hegoafrikako probintzia gaitzat duena beste hau da: Limpopo

Limpopo ibaia Limpopo River (en)
Limpopo ibaia Mozambiken.
Kokapena	Hegoafrika, Botswana, Zimbabwe eta Mozambike
Luzera	1.600 km
Arroa	413.000 km²
Emaria	174.288 m³/s
Iturburua	Hegoafrika
Ibai ahoa	Ozeano Indikoa

Limpopo ibaia Afrikako hego-ekialdeko ibaia da; Afrikako eremu horretako ibairik nagusienetako bat da. Bere 1.600 km ibilbidea Hegoafrikako iparraldean hasi eta Ozeano Indikoan bukatzen da. Eskualdeko bigarren ibairik luzeena da, Zambezi eta gero.

640 kilometrotan zehar, Hegoafrika, Botswana eta Zimbabwe arteko muga sortzen du.

Bere ibaiadar nagusia Olifants/Letaba ibaia da eta bokalea Mozambikeko Xai-xaitik gertu du.

Historia

Limpopo eta Shashe ibaien arteko lotunea.

Vasco da Gama Limpopo ibaia ikusteko lehenengo europarra zen 1498an. Eskualdeak, hala ere, aspalditik ditu biztanleak, izan ere Mokopanen 3,5 milioi urteko Australopithecus fosila aurkitua zen.

Ibilgua

Witwatersrand-eko lurraldean du iturburua eta Transvaal, Zambia eta Rhodesiaren arteko muga eratu ondoren Indiako ozeanoan isurtzen du ura, Maputoko hiriaren iparraldean.

Ikusgarriak dira ibaiak Rhodesiako goi-ordokiak igaro ondoren sortzen diren ur-jauziak.

Ibaiadarrak

• Bubye ibaia,
• Olifants/Letaba ibaia,
• Shashe ibaia,
• Magalakwin ibaia,
• Mzingwane ibaia eta
• Mwenezi ibaia.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.