Azawaden Askapen Nazionalerako Mugimendua

Azawaden Askapen Nazionalerako Mugimendua
ⵜⴰⵏⴾⵔⴰ ⵏ ⵜⵓⵎⴰⵙⵜ ⴹ ⴰⵙⵍⴰⵍⵓ ⵏ ⴰⵣⴰⵓⴷ
الحركة الوطنية لتحرير أزواد
Mouvement national de libération de l'Azawad
Sorrera	2011ko urria
Buruzagiak	Bilal Ag Acherif
Ideologia	Nazionalismoa
Ekintza eremua	Azawad (Maliko iparraldea)
Tamaina	1.000-10.000 kide

Azawaden Askapen Nazionalerako Mugimendua (Tamaseqh: ⵜⴰⵏⴾⵔⴰ ⵏ ⵜⵓⵎⴰⵙⵜ ⴹ ⴰⵙⵏⵏⴰⵏⵏⵓ ⵏ ⴰⵣⴰⵓⴷ, arabieraz: الحركة الوطنية لتحرير أزواد‎, frantsesez: Mouvement National pour la Libération de l'Azawad; MNLA), lehen Azawadeko Mugimendu Nazionala (frantsesez: Mouvement national de l'Azawad; MNA) erakunde politiko eta militarra da, iparraldeko Malin dagoen Azawad lurraldearen askapeneraren aldekoa. 2011ko urrian sortu zen eta mugimenduak Saharako beste herri batzuk ere biltzen ditu. Maliko gobernuak Al-Qaeda Magreb Islamiarrean (AQMI) taldearekin loturak izateaz akusatu zuen, baina MNLAk gezurra dela dio.

Historia[aldatu | aldatu iturburu kodea]

2011ko Libiako gerra zibilean borrokatu ziren tuaregek sortu zuten MNLA taldea, Muammar al Kadafik boterea galdu ondoren itzuli zirenek^[1]. 2012ko urtarrilean, Maliko gobernuaren aurka altxatu ziren. Apirilaren 1ean MNLAk eta Ansar Dine talde islamistak Maliko iparralde ia osoaren kontrol militarra zuten, Kidal, Gao eta Timbuktu barne. Apirilaren 6an MNLAk independentziaren aldarrikapena egin zuen aldebakarrez. Matxinadan talde islamistekin batera jardun zuten Maliko armadaren kontra, baina konponezin handiak izan zituzten haiekin^[1], eta elkarren kontra borrokatu ziren Gaoko guduan, ekainaren 27an^[2].