Martine Aubry

Wikipedia(e)tik
Hona jo: nabigazioa, Bilatu
Martine Aubry
Martine Aubry (2008).

Martine Aubry (Paris, 1950) frantses politikari sozialdemokrata da, Alderdi Sozialistako burua.

1981ean, Laneko ministroaren kabineteko zuzendaria izan zen, lan-eskubideak berritzeko legeak ikuskatzeko arduraz. 1983an, Gizarte Gaietako ministro zen Pierre Bérégovoyren kabineteko buru izan zen. Handik urtebetera, lan-harremanetako zuzendari izendatu zuten. Urte horietan, enpresa-mundua ezagutu zuen, eta Pechiney etxeko zuzendari nagusiaren kargua eskuratu zuen 1989an. Bi urte besterik ez zituen eman kargu horretan, Édith Cressonek Laneko ministro izendatu zuen arte (1991ko maiatzaren 16an). 1993an, eskuindarren porrotaren ondoren, FACE Baztertzearen Kontra Jarduteko Fundazioa sortu zuen, gizarte-mailen arteko desberdintasunen kontra lan egiteko. 1995ean, Mauroyren zerrendako bigarren aurkeztu zen udal-hauteskundeetan. Lionel Jospin Alderdi Sozialistako buru jarri zenean, bulego nazionalera deitu zuen Aubry. 1997an, Nord departamenduko bosgarren barrutiko diputatu hautatu zuten, baina ordezkoari utzi zion lekua, gobernura itzultzeko. 1997an, Jospinen Gobernuko Lan Ministerioko buru izan zen. 2001ean, Lilleko alkate eta Lilleko Pasteur Institutuko lehendakari izendatu zuten, eta, 2008an, Alderdi Sozialistako idazkari nagusi. 2012ko hausteskundeei begira, François Hollanderi eman zion babes osoa.

Erreferentziak[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Martine Aubry Aldatu lotura Wikidatan