Miguel de Icaza

Wikipedia(e)tik
Hona jo: nabigazioa, Bilatu
Miguel de Icaza
Miguel de Icaza
Gnomeren fundatzailea
Datu pertsonalak
Izen osoa Miguel de Icaza
Jaio 1972
Mexiko Hiria (Mexiko)

Miguel de Icaza (1972an jaioa) software libre programatzaile mexikar bat da, GNOME proiektua hasteagatik ezaguna.

Miguel de Icaza Mexiko Hirian jaio zen eta Mexikoko Unibertsitate Autonomiko Nazionalean (UNAM) burutu zituen ikasketak. 1992. urtean hasi zen software librea idazten.

1997ko udaran, Microsoft-k lan elkarrizketa bat egin zion Internet Explorer UNIX talderako (SPARC plataformara bihurtzeko), baina bisa lortzeko ez zuen behar adinako titulu unibertsitarioa. Elkarrizketan dioenez, elkarrizketatzaileak konbentzitzen saiatu zen Internet Explorerren kodea libre egin zezaten Netscapek bere nabigatzailearekin egin aurretik.

Icazak GNOME proiektua hasi zuen urte bereko udaran, Federico Menarekin batera, GNU/Linuxrako eta beste UNIX-modukoentzat mahaigain guztiz libre eta osoa egin nahi zuen. Lehenago Icazak Midnight Commander fitxategi kudeatzailean lan egin zuen, eta Linux kernelean ere. Gnumeric kalkulu-orriak sortzeko programaren sortzaileetako bat ere bada.

1999an, Icazak Helix Code fundatu zuen, GNOMErako softwarea librea sortzeko konpainia, Nat Friedmanekin batera, eta hainbat GNOME hackerri lana eman zien. 2001. urtean, Helix Code-k izena aldatu zuen, Ximian izateko, eta Mono proiektua hasi zuten, Icaza proiektu buru bezala, Microsoften .NET berria hainbat plataformetan erabilgarri izateko, Linux eta Unix modukoak kasu. 2003 Aubuztuan, Novellek Ximian erosi zuen.

1999an Miguel de Icazak Free Software Foundationaren Free Software Saria jaso zuen, 1999 urteko MIT Technology Review eraberritzaile saria ere jaso zuen, eta Time Magazine aldizkariak 2000. urteko irailean mendeko 100 gizonik berriztatzaileen artean izendatu zuten.

Miguelek paper txiki bat izan zuen 2001ean Antitrust filmean.

2003an Maria Laura brasildarrarekin ezkondu zen.

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Miguel de Icaza Aldatu lotura Wikidatan