Minamoto no Sanetomo

Wikipedia(e)tik
Hona jo: nabigazioa, Bilatu

Minamoto no Sanetomo (japonieraz 源 実朝, Minamoto no Sanetomo?, 1192ko irailak 17-1219ko otsailak 13), Kamakura shogunerriko hirugarren shoguna izan zen, baita Japoniako Minamoto klaneko azken gobernaria ere. Minamoto no Yoritomo lehen shogunaren eta honen emazte Hojo Masakoren bigarren semea izan zen. Bere anaia nagusia, Minamoto no Yoriie, bigarren shoguna izan zen.

Bere aita 1199an hil ondoren, bere aitona Hojo Tokimasak usurpatu zuen shogunerriaren botere politiko eta militarra, shogun titulua, modu nominalean pertsona bati utziz. Yoriie bihurtu zen shogun 1202an, baina hurrengo urtean tronutik kendu zuten, eta etxe atxiloketarekin kondenatua izan zen Hojo klanaren aurkako konspirazio bat egotzi zitzaiolako, eta klan honetako kideek hil zuten 1204an. 1203an, Sanetomo bera bihurtu zen shogun, baina bere ama Hojo Masakoren mendeko gobernari txotxongilo bat izango zen, eta bere aitonaren aurkako gatazka bat sortzeko manipulatua izango zen. Honela, Tokimasa, bere biloba tronutik kentzen saiatuko zen askotan 1205etik aurrera.

Sanetomok, Hojo klanarenganako botererik ez zuela zekienez, bere denbora, olerkaritzan eman zuen, Fujiwara no Teikaren laguntzarekin 700 olerki inguru idatziz. Gorte Inperialarekin harremanetan jartzea ere lortu zuen, honek ere botere oso mugatua zuelarik, eta Zuzenbidearen Ministro (ministrorde moduko bat) izendatua izan zen 1218an. Hilko zutenaren beldurrak, alkoholismo kronikoan erorrarazi zuen.

1219ko ilargi urte berrian, bere lehengusu Minamoto Kugyok hil zuen, Yoriieren bigarren semea zena. Seme-alabarik izan ez zuenez, Minamoto klaneko Seiwa Genji leinua amaitu egin zen. Bera hil ondoren, erregearte garai batean sartu zen shogunerria, non 1221eko Jokyu Gerra eta, shogunerriaren barnean, Hojo klanaren sendotzea nabarmenduko ziren.


Aurrekoa
Minamoto no Yoriie
Shoguna
1203-1219
Ondorengoa
Kujo Yoritsune
Commonsen badira fitxategi gehiago, gai hau dutenak: Minamoto no Sanetomo Aldatu lotura Wikidatan