Muscogee

Muscogee etniako lagunak.

Muscogee edo muskogee jendea, Creek izenarekin ere ezaguna dena, Mexikoko golkoaren iparraldean (Mississippi, Alabama, Florida) eta Georgiaren zati batean bizi zen amerindiar etnia zen.

Ingelesen alde jarri ziren kolonia-gerretan eta independentziarako gerran. Andrew Jackson jeneralak menderatu zituen XIX. mendearen hasieran. Taldea osatzen zuten leinu batzuek Oklahomara egin zuten ihes. Haien ondorengoak (20.000 inguru) Oklahoman bizi dira gaur egun.

Erreferentziak

• Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek lizentzia librearekin laga zituen, euskal Wikipedia osatzeko proiektu baterako.