Nigel Mansell
Britainiar auto-gidaria (Tewkesbury, Gloucertershire, 1953). 1976an Ford Formulan hasi zen unea hartzen da Mansellen karreraren hasieratzat, nahiz eta aurretik beste kategoria batzuetako lasterketetan parte hartu zuen. Hurrengo denboraldian ere kategoria horretan jardun zuen, eta berrogei lasterketatik gora eta Britainia Handiko titulua irabazi zituen. Geroago, 3 Formulara aldatu zen (etxea saldu behar izan zuen horretarako), eta 2 Formulan hasi zen ondoren. Garaitsu hartan ezagutu zuen Lotus etxeko Colin Chapman buruzagia, eta 1 Formularako hartu zuten 1981ean. 1985ean lortu zuen kategoria horretako lehenengo Sari Nagusia, Williams taldearekin. Hurrengo urteetan, zenbait lasterketa irabazi zituen, eta bigarren gelditu zen beste zenbaitetan, 1 Formulako Munduko Txapelketan. 1992an, ondoz ondoko garaipen gehien lortu zituen gidaria izan zen. 1993an, Indy Formulara aldatu zen, Newman-Haas taldera, eta txapelketa irabazten lehenengoa izan zen aurkezpenaren urtean bertan. 1995ean, berriro sartu zen buru-belarri 1 Formulan.
Kanpo loturak[aldatu]
- (Ingelesez) Nigel Mansellen web-orria
Erreferentziak[aldatu]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Izan ere, egile-eskubideen jabeak, Eusko Jaurlaritzak, hiztegi horiek Creative Commons Aitortu 3.0 Espainia lizentziarekin argitaratu ditu, Open Data Euskadi webgunean.
