Richard Howard

Wikipedia(e)tik
Hona jo: nabigazioa, Bilatu

Richard Howard (Cleveland, 1929ko urriaren 13a) estatubatuar poeta eta itzultzailea da.

Columbiako Unibertsitatean eta Parisen, Sorbonan, egin zituen ikasketak. 1970ean Pulitzer saria irabazi zuen Untitled Subjects (1969, Titulurik gabeko gaiak) poema-bildumarengatik. Liburua XIX. mendeko artista, musikagile eta idazleen 15 bakarrizketen bilduma zen. Bertso bidezko bakarrizketa eta elkarrizketa gehiago landu zuen, halaber, bere beste zenbait liburutan: Two-Part Inventions (1974), Fellow Feelings (1976), Misgivings (1979) eta Lining Up (1984).

Richard Howard bere garaiko itzultzaile onenetako bat izan da, eta frantses poesia modernoaren eta eleberri esperimentalen itzulpenengatik da batez ere ezaguna. Besteak beste, Claude Simon, Albert Camus, Simone de Beauvoir, Michel Butor eta Alain Robbe-Grilleten lanak itzuli ditu. Halaber, Charles Baudelaireren Les Fleurs du Mal itzuli du. Bestalde, Estatu Batuetako arte eta poetei buruzko kritika-lan aipagarri bat badu: Alone with America: Essays on the Art of Poetry in the United States Since 1950 (1969 eta 1980, Amerikarekin bakarrik: Estatu Batuetako 1950etik aurrerako arte eta poesiari buruzko saiakerak). 1974an Preferences argitaratu zuen, Estatu Batuetako poesiaren antologia bat, bere kritika-iruzkinez hornitua. Poeta laureatua izan zen New Yorkeko estatuan 1994tik 1997ra.

Obra hautatua[aldatu | aldatu iturburu kodea]

Poesia[aldatu | aldatu iturburu kodea]

  • Quantities (1962)
  • Damages (1967)
  • Untitled Subjects (1969)
  • Findings 1971
  • Two-Part Inventions (1974)
  • Fellow Feelings (1976)
  • Misgivings (1979)
  • Lining Up (1984)
  • No Traveller (1989)
  • Selected Poems (1991)
  • Like Most Revelations (1994)
  • Trappings (1999)
  • Talking Cures (2002)
  • Fallacies of Wonder (2003)
  • Inner Voices (selected poems), 2004
  • The Silent Treatment (2005)
  • Without Saying (2008)

Kritika-lanak[aldatu | aldatu iturburu kodea]

  • Alone With America: Essays on the Art of Poetry in the United States Since 1950 (1969)
  • Preferences: 51 American Poets Choose Poems From Their Own Work and From the Past (1974)
  • Travel Writing of Henry James (1994)
  • Paper Trail: Selected Prose 1965-2003 (2004)

Erreferentziak[aldatu | aldatu iturburu kodea]