Sugegorri sudurluze

Wikipedia(e)tik
Hona jo: nabigazioa, Bilatu
Sugegorri sudurluze
Iraute egoera
Sailkapen zientifikoa e
Erreinua: Animalia
Filuma: Chordata
Klasea: Reptilia
Ordena: Squamata
Azpiordena: Serpentes
Familia: Viperidae
Generoa: Vipera
Espeziea: Vipera ammodytes
Linnaeus, 1758

Sugegorri sudurluzea (Vipera ammodytes) batez ere Balkanetan aurkitzen dugun sugegorria da; iparraldetik Italia ipar-ekialdera eta Errumania hego-mendebalde eta hego-ekialdera; hegoaldetik Zikladeak eta Peloponesoraino hedatzen da.

Itxura[aldatu | aldatu iturburu kodea]

Helduak 65 cm baino txikiagoak izaten dira, buztana barne. Zenbait ale 90 cm-ra irits daitezke batzuetan. Ekialdeko Europako sudur-apendize nabaria duen sugegorri bakarra. Bere gorputza samar sendoa eta bere buru triangeluarra ezkata txikiz estalirik dago, begi bakoitzaren gainean handia den ezkata bat izan ezik. Aurpegiko ezkata ez da gorantz abiatzen sudur-adarraren gainean.Azkeneko hau 9-20 ezkata txikiz estalirik dago. Gorputz erdian bizkargaineko ezkatez osatutako 21-23 ilarak daude. Kolorea eta marrazkia aldaketarik gabekoa da. Arrak askotan gris argia eta emeak grisaxkak, arrexkak edo arre-gorrixka. Ia beti orno-lerro bat ondo definitua ertza ilunarekin dute, sigi-saga osatuz edo lotuak dauden erronbo serie bat.

Beheko aldea grisaxka, edo arrosa ilunagoak diren orbanekin.Isats-muturraren azpiko atala gorri, horixka edo berdexka izan daiteke. Melanismoa arraroa da.

Europan hiru subespezie aurkitu dira baina haien arteko desberdintasunak ez dira oso garbiak.

Ohiturak[aldatu | aldatu iturburu kodea]

Mota askotako habitatan kausitzen den sugea da,baina atsegin dituenak hegal harritsuak dira landaredi eta eguzkiari esposizio ona baldin badago. Labore-lurreko harrizko pareta, baso ireki, eta hartxingadietan ere egoten da . Bere eremuko hegoaldean itsasmailatik 2500m-etara dago.Normalean egunez dago baina batzuetan, bere eremuko alde beroenetan, gautar dela esaten da. Samar odolgabe, patxadatsu eta motela da. Gogaitzen bazaio indarrez txistu egiten du. Ugaztun txiki, hegazti eta muskerraz elikatzen da.

Ugalketa[aldatu | aldatu iturburu kodea]

Beste sugegorriak bezala,obobibiparoa da. Arrautzak amaren barruan txitatzen dira erditzeko unea iritsi arte.

Pozoia[aldatu | aldatu iturburu kodea]

Oso pozoitsua da. Bere hozkada beste Europako sugegorrienak baino askoz arriskutsuagoa da.

Erreferentziak[aldatu | aldatu iturburu kodea]

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Sugegorri sudurluze Aldatu lotura Wikidatan