Tarawa

Wikipedia(e)tik
Hona jo: nabigazioa, Bilatu

Tarawa

Tarawa
Tarawa atoloia
Izen ofiziala Tarawa
Banaketa administratiboa bat ere ez[1]
Koordenatuak

01°19′32″S 172°59′00″E / 1.32556°S 172.98333°E / -1.32556; 172.98333Koordenatuak: 01°19′32″S 172°59′00″E / 1.32556°S 172.98333°E / -1.32556; 172.98333

Biztanleria 28.802 bizt. (1990)

Tarawa Ozeano Barean dagoen atoloi bat da eta bertan Kiribatiko hiriburua dago. Uhartea Bigarren Mundu Gerran Tarawako bataila bertan borrokatu zelako da famatua.

Geografia[aldatu | aldatu iturburu kodea]

Tarawa 24 irlatxo nagusik osatutako atoloia da; gutxienez haietako zortzik biztanleak dituzte.

Teinainano hiriburu[aldatu | aldatu iturburu kodea]

Askotan Kiribatiko hiriburutzat atoloi osoa jotzen bada ere, zehatzago esanda atoloiko hegoaldea osatzen duten irlatxo-katea da, Teinainano edo South Tarawa[2] izenekoa. Uhartexka-lerro hau Bonrikitik (atoloiko hego-ekialdeko bazterra) Betioraino (hego-mendebaldeko bazterra, hau bereizita) doa, hegoalde osoan zehar. Gaur egun gaineko pasabide batek Bairiki eta Betio lotzen ditu eta lehenago uhartexka bereiziak zirenak orain bakarrean bilduta daude Hego Tarawa osoaren lur-eremuan. Azpimarratzekoak:

  • Bairiki herria; garai batean estatuko hiriburuari dagozkion eraikin administratiboak hemen besterik ez bazeuden ere, gaur egun adibidez Parlamentua Ambon dago (Bairiki eta Bonrikiren artean). Hori dela eta, hiriburuaren izen ofizial osoa Teinainano Urban Council (TUC) da.
  • Bikenibeu, herririk handiena eta estatuko zenbait eraikinen kokalekua.
  • Bonrikiko aireportua, atoloi osoan bakarra.

Irlatxoak[aldatu | aldatu iturburu kodea]

Herriak[aldatu | aldatu iturburu kodea]

Demografia[aldatu | aldatu iturburu kodea]

28.802 biztanle zituen 1990ean[3]. Biztanleria gehienbat mikronesiarra da, kiribatiar taldekoak hain zuzen. Populazio hau gehiegizkoa da uhartearen baliabideetarako eta bizilagunek kanpotik ekarritako laguntza jasotzen dute, batez ere Erresuma Batua, Japonia eta Zeelanda Berriak bidalitakoa.

Administrazioa[aldatu | aldatu iturburu kodea]

Tarawa atoloiak hiru udal-administraziotan banatuta dago:

  • Teinainano Urban Council (TUC), ingelesez South Tarawa izenez ere ezaguna eta arestian esan bezala estatuko hiriburua zehatz-mehatz esanda.
  • Betio Town Council (BTC), Betio uhartetxoan.
  • Tarawa Ieta edo North Tarawa ("Ipar Tarawa"); Bonrikitik iparraldera dauden uhartetxo guztiek osatuta.

Historia[aldatu | aldatu iturburu kodea]

Thomas Gilbert, East India Company izenekoaren kapitaina izan zen Tarawara heldu zen lehen europarra; 1788ko ekainaren 20an izan zen.

Britainiar Inperioaren barruan "Gilbert eta Ellice uharteak" izeneko koloniako hiriburua izan zen.

Biagrren Mundu Gerran japoniarrek atoloia okupatu zuten; 1943ko azaroaren 20an "Tarawako bataila" odoltsuaren hasiera izan zen. Egun horretan AEBetako marine asko hil zuten bertan lurreratu zirenean. 76 orduko borrokaldiaren ostean AEBetako tropek atoloia kontrolatu zuten; bi armadetako 6000 bat hildako egon ziren.

Ekonomia[aldatu | aldatu iturburu kodea]

Betio uhartetxoan atoloiko portu nagusia dago; bertatik kopra eta perlak esportatzen dira batez ere.

Estatuko administrazioa eta aireportuaz gain irakasle-eskola bat ere badago.

Erreferentziak[aldatu | aldatu iturburu kodea]

  1. Egun ez dago banaketa administratiborik. Independentzia baino lehen atoloiak bost distrituetako bat osatzen zuen.
  2. Euskaraz "mastaren behean" eta "Hego Tarawa" esan nahi dute hurrenez hurren.
  3. Gaur egungo biztanleak 50000 bat izan daitezke; ikus alemanierazko wikipedia adibidez.

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]

Commonsen badira fitxategi gehiago, gai hau dutenak: Tarawa Aldatu lotura Wikidatan