The Third Man
The Third Man (euskaraz, Hirugarren Gizona) 1949an Carol Reedek zuzendutako filma da. Graham Greenek gidoia idatzi zuen. Hurrengo urtean gidoia prestatzeko idatzi zuen eleberria plazaratu zen.
Sinopsia
| Oharra: Atal honek istorio osoa edo amaiera argitzen du. |
Bigarren Mundu Gerra amaitu eta berehala, Holly Martins (Joseph Cotten) estatubatuar idazle xumea AEB, Sobietar Batasuna, Erresuma Batua eta Frantziak okupatu berri duten Viena hirira ailegatu berri da, han haurtzaroko Harry Lime (Orson Welles) adiskideminarekin elkartzeko asmotan, baina bertaratu bezain azkar adiskidea zendu egin dela berri emango diote.
Holly ez lur eta ez zeru geldituko da. Hiletaren ostean, britainiar poliziek (Bernard Lee eta Trevor Howard) Hollyri bere adiskide Harry merkatu beltzeko penizilina salerosketan barru-barruraino sartua zegoela berri emango dio, hark uste ez bezala gizon iluna zela ohartaraziz. Hasiera batean Martinsek ez dio britainiar poliziari sinistuko, halere bere adiskidea egoera bitxian hil zenez, haren heriotzaren inguruan bere kaxa ikertzen hasiko da, piskanaka haren inguruko hirukote bitxi eta susmagarria topatuko duelarik, Kurtz baroia (Ernst Deutsch), Popescu (Siegfried Breuer) eta Winkel doktorea (Erich Ponto), ikerketa horretan Harryren neskalaguna zen Anna (Alida Valli) ere ezagutuko du, ikerketa aurreruntz doan einean Martins hartaz maiteminduko delarik.
Pertsonaiak
- Joseph Cotten: Holly Martins
- Alida Valli: Anna Schmidt
- Orson Welles: Harry Lime
- Trevor Howard: Calloway maiorra
- Wilfrid Hyde-White: Crabbin
- Bernard Lee: Paine sarjentua
- Erich Ponto: Winkel doktorea
- Ernst Deutsch: Kurtz baroia
- Siegfried Breuer: Popescu
- Paul Hoerbiger: Atezaina
- Annie Rosar: Atezainaren emaztea
- Hedwig Bleibtreu: Annaren neskamea
- Alexis Chesnakov: Brodsky
- Herbert Halbik: Hansl
- Paul Hardtmuth : Sacher'sen atezaina