Unidad Vizcaína

Unidad Vizcaína
Datuak
Mota	alderdi politikoa
Herrialdea	Espainia
Ideologia	Espainiar nazionalismoa, liberalismoa eta kontserbatismoa
Kokapen politikoa	eskuin politiko
Agintea
Lehendakaria	Adolfo Careaga Fontecha
Egoitza nagusi	Bilbo;
Historia
Sorrera	1992ko urtarrilaren 3a

Unidad Vízcaína (UV) alderdi politiko bat izan zen, 1992ko urtarrilaren 3an Bilbon aurkeztua. Adolfo Kareaga, UCD alderdiko kide ohia eta Alderdi Popularreko diputatu ohia zenak sustatu zuen, eta bera izan zen alderdiko lehendakaria.

Sustatzaileek alderdia antinazionalista eta Bizkaia Euskal Autonomia Erkidegotik bereiztearen aldeko definitu zuten. Eusko Jaurlaritzaren hizkuntza-politika aldatzea zen alderdiaren helburuetako bat, euskarak gastu handia ekartzen zuela defendatzen zutelako, eta euskara batuaren aurkako jarrera agertu zuten "ETAren ideologoek sortutako jargoi bat" zela iritzita^[1].

Gasteizek EAEn zuen gehiegizko zentralismoa ere salatu zuen alderdiak, eta euskal herrialdeetako erakundeak Espainiaren barruan atxikitzearen alde zegoen. Alderdia, Unidad Alavesak defendatzen zituen posizioetatik gertu zegoela zioten sortzaileek, baina ez zutela UAren ideologia sozialdemokratarekin bat egiten.

Unidad Vizcaína alderdia ez zen sekula hauteskundeetara aurkeztu, ondorioz ez zuen ordezkaririk izan inongo erakundetan^[2].