Zea Mays

Wikipedia(e)tik
Hona jo: nabigazioa, Bilatu
Artikulu hau musika taldeari buruzkoa da; beste esanahietarako, ikus Arto.
Zea Mays
Zea mays taldea 0001.jpg
Datuak
Jatorria Bilbo, Bizkaia
Musika mota rock-pop
Instrumentuak Gitarra
Baxua
Bateria
Urteak 1997
Diskoetxeak Gor, Gaztelupeko Hotsak,Bonberenea Ekintzak
Webgunea Gune Ofiziala
Taldekideak
Asier Basabe
Ruben Gonzalez
Iñaki Imaz
Aiora Errenteria /> Ismael Urzaiz

Zea Mays euskal rock musika taldea da, Bilbon sortutakoa 1997an.

Taldekideak[aldatu | aldatu iturburu kodea]

Historia[aldatu | aldatu iturburu kodea]

1997ko udan 7 kantuz osaturiko maketa grabatu eta urte berean Euskadi Gazteako maketa lehiaketa irabazi zuten. Sariak bultzada handia eman zien eta Euskal Herrian zehar hainbat kontzertu emateko aukera zabaldu zitzaien. Bilboko pop-rock lehiaketan talde euskaldun onenaren saria irabazi zuten 1998an.

1998ko irailean Gor diskoetxearekin euren lehen diskoa grabatu zuten: Zea Mays. Mondo Sonoro aldizkariaren arabera, urte hartako Euskal Herriko 10 diskorik onenen artean zegoen.

Kontzertu asko eman ostean, 2000ko martxoan bigarren diskoa atera zuten: Elektrizitatea. Urte bereko irailean bira bat hasi zuten Holandatik. Mondo Sonoro aldizkariaren arabera, urte bereko euskal diskorik onena zen berau.

2002ko uztailean euren hirugarren diskoa grabatu zuten: Harrobian, oraingoan Gaztelupeko Hotsak diskoetxearekin. Hori baino lehenago, AEKantuz diskoan Mikel Laboaren kanta baten bertsioa grabatu zuten.

2003ko udan Europatik beste bira bat egin zuten: Alemanian eta Holandan. Urte honetan zehar, hainbat eta hainbat kontzertu eman zituzten Euskal Herrian. 2004an Festimaden jo zuten eta horren ondoren disko berria grabatzeko geldialdia egin zuten.

2005eko martxoan euren azken diskoa plazaratu zuten: Sortuz, grabitatearen aurka. Disko honek arrakasta handia izan zuen eta taldea Euskal Herriko talderik puntakoenetarikoa bihurtu zen orduan.

2006ko abenduan 18/98 taldearen aldeko diskoan parte hartu zuten Astero, ostera hastera kantarekin.

2007an taldeak hamar urte bete zituen. Urte horretan kaleratutako Morphina diskoarekin taldearen ordura arteko ibilbidea laburbiltzen zuen DVDa jarri zuten salgai, hamarkada oso batean eskainitako kontzertuen irudiak biltzen zituena.

2010ean aldiz, Era diskoak ikusi zuen argia. Taldekideen esanetan, aurrekoak baino dantzagarriagoa da, zuzenagoa eta positiboagoa.

Diskografia[aldatu | aldatu iturburu kodea]

Ikus, gainera[aldatu | aldatu iturburu kodea]

Kanpo loturak[aldatu | aldatu iturburu kodea]