Manuel Zarauza
| Manuel Zarauza | |
|---|---|
| Bizitza | |
| Jaiotza | Santoña, 1917ko maiatzaren 19a |
| Herrialdea |  Espainia |
| Heriotza | Baku, 1942ko urriaren 12a (25 urte) |
| Heriotza modua | istripuzko heriotza: hegazkin-istripua |
| Hezkuntza | |
| Hizkuntzak | gaztelania |
| Jarduerak | |
| Jarduerak | aparteko hegazkinlaria eta gerra-pilotua |
| Zerbitzu militarra | |
| Gradua | koronel |
| Parte hartutako gatazkak | Espainiako Gerra Zibila Ekialdeko Frontea Bigarren Mundu Gerran |
Manuel Zarauza Clavero (Santoña, 1917ko azaroaren 3a - Baku, 1942ko urriaren 12a) kantabriar hegazkinlaria izan zen, Gerra Zibil garaian aparteko hegazkinlari izandakoa. Iparraldeko frontearen hegazkinlari nabarmenetariko bat izan zen, "Euskal eskuadrila" izeneko taldearen kidea izanda.
Biografia
[aldatu | aldatu iturburu kodea]1934an orduko Aireko Armadan (Aeronáutica Militar Española izena zuena) sartu eta 1936ko estatu-kolpea piztu zenean, Errepublikaren alde egin zuen. Santiago de la Riberan (San Javier) ikasi ondoren, «Chato» ezizena zuten sobietar Polikarpov I-15 bat eman zioten.[1] Orduan iparraldeko frontea defendatu zuen "Euskal eskuadrila" izeneko taldea sortu zuten, Del Río, Zarauza edo Comas bere kideak izanik.[2] 1937ko abenduan 4. eskuadrilaren buru izendatu eta Teruelgo eta Ebroko guduetan parte hartu zuen. Gerraren amaieran, hegazkina hartu eta Frantziara ihes egin zuen. Argelès-sur-Merreko kontzentrazio-esparruan sartu zuten. Gerran zehar, 10 garaipen izan zituen.[3]
Handik Sobietar Batasunera joan zen, non Aire-Armadan sartu eta koronel izendatu zuten. Bigarren Mundu Gerran atzeguardian utzi zuten baina Bakun akrobaziak egiten ari zela istripu batean hil zen.
Erreferentziak
[aldatu | aldatu iturburu kodea]- ↑ García Lacalle, Andrés. (1973). Mitos y verdades: la aviación de caza en la Guerra España. , 428 or..
- ↑ Five Down, No Glory: Frank G. Tinker, Mercenary Ace in the Spanish Civil. , 166 or..
- ↑ Aviadores del Ejército del Aire
Datuak: Q4408491