Merkataritza elektroniko
Merkataritza elektronikoa, e-commerce edo eCommerce ondasunak eta zerbitzuak sistema telematikoak baliatuz egiten den salerosketan datza.
Merkataritza elektronikoan transakzio komertzialak kontsumitzailea eta saltzailea kontaktu fisikorik gabe gertatzen dira, eskaerak eta ordainketak Internet bitartez eginez. Horrela, trukaketa hauek errazago, azkarrago, eraginkorrago eta merkeago ere izaten dira. Abantaila hauengatik, merkataritza elektronikoak izan duen hedakuntza dela eta, negozio eredu tradizionalak (dendak eta abar) aldaketak jasan ditu.
Abantailak
[aldatu | aldatu iturburu kodea]Enpresentzat
[aldatu | aldatu iturburu kodea]- Enpresaren jardueren eraginkortasuna.
- Merkatuan oztopo gutxiago.
- Merkatu berriak esploratzea.
- Bitartekari gutxiago, zuzenean kontsumitzaileari saltzeko aukera baitago.
Kontsumitzaileentzat
[aldatu | aldatu iturburu kodea]- Produktuak eta zerbitzuak eskuratzeko erraztasuna.
- Beste kontsumitzaileekin informazioa eta iritziak partekatzeko aukera.
- Produktu bera bilatzen dutenak elkartu ahal izatea.
Desabantailak
[aldatu | aldatu iturburu kodea]- Kontratuak ez dira paperean jasota geratzen.
- Jabetza intelektualaren eskubideen babesik ez.
- Kontsumitzailearen informazioaren babesik ez.
- Interneten informazioa bilatzeko zailtasuna.
Merkataritza elektronikoaren motak
[aldatu | aldatu iturburu kodea]Saltzailea eta eroslea zein diren kontuan hartuta, merkataritza elektronikoaren mota hauek daude:
- B2B: Business-to-Business. Enpresen arteko merkataritza elektronikoa.
- B2C: Business-to-Consumer. Enpresaren eta kontsumitzailearen arteko merkataritza da.
- C2C: Consumer-to-Consumer. Kontsumitzaileen arteko merkataritza. Adibidez, enkanteak egiteko webguneek egiten dutena.
- C2B: Consumer-to-Business. Enpresaren batekin negoziatzeko eta indar handiagoa izateko asmoarekin kontsumitzaileak biltzen direnean gertatu ohi da.
- G2B/C/A: Government-to-Citizen. Administrazio publikoen arteko, administrazio publiko baten eta herritarren arteko edota administrazio publiko baten eta enpresen arteko merkataritza.
- G2B Government-to-Business. Gobernu erakundeen eta enpresen arteko merkataritza. Administrazio erabakien argitalpena, zergen truke elektronikoa, tasen ordainketa, eta abar.
- G2G Government-to-Government. Gobernu erakundeen arteko merkataritza.
Ikus, gainera
[aldatu | aldatu iturburu kodea]Erreferentziak
[aldatu | aldatu iturburu kodea]- (Gaztelaniaz) «Conceptos básicos en ebusiness»
Kanpo estekak
[aldatu | aldatu iturburu kodea]
Datuak: Q484847
Multimedia: Electronic commerce / Q484847