Araski AES

Araski AES
	Araski AES logoaAraski AES logoa
Ligak	Espainiako Emakumezkoen Saskibaloi Liga
Sorrera	2010
Pabiloia	Mendizorrotza polikiroldegia; 4.000 leku
Kokapena	Gasteiz
Taldearen koloreak
Lehendakaria	Livia López
Entrenatzailea	Madelen Urieta
Webgunea	www.araski.com
	Uniformeak
Etxean	Kanpoan

ARASKI Arabako Saskibaloia (izen osoa ARASKI Arabako Emakumeen Saskibaloia) Arabako hiriburuko saskibaloi taldea da. 2010ean UPV-Alava eta Abaroa taldeak bilduz sortua. Taldea 2016an Espainiako Emakumezko Saskibaloi Ligara igo zen.

Jatorria

UPV-Alava eta Abaro taldeek "Araski Arabako Emakumeen Saskibaloia" elkartea sortu zuten, Araban emakumezkoen saskibaloia egituratzeko organo gisa. Elkarte honen helburua zen klubak eta ikastetxe gehienak biltzea saskibaloiarako proiektu berean.

2010. urtean "Tiempo de chicas" proiektua abian jarri zen, Arabako Foru Aldundiak eta EHUk babestuta. Horri esker, egonkortasun eta kirol proiekzio handiagoa ematen zaio Arabako saskibaloiari.

Helburua

ARASKI AES saskibaloiko emakumeentzako formakuntza eta promoziorako proiektua da. Kirolaren helburuak ez ezik, beste helburu batzuk ere lortzeko lan egiten duena. Arabako emakumezkoen kirolari eta kirolariei ikusgarritasuna emateko nahian sortu zen. Proiektuak lortu nahi dituen helburuak hurrengoak dira: emakumeen ahalduntzea, lidergoa, erreferenteak sortzea, gizon eta emakumeen arteko berdintasuna, besteak beste.

Uniformea

Araskiko uniforme nagusia berdea da, bai elastikoa baita prakak ere, eta letra zuriak ditu. Ordezkoa, berriz, fuksia kolorekoa, baina 2020/2021 denboraldirako beltzarekin aldatu dute.

Pabiloia

Taldearen pabiloi ofiziala Mendizorrotza da, Gasteizko udaletxekoa dena. Amadeo Garcia Salazar plazan kokatuta, 3000 pertsonentzako edukiera duena. Han, 2019ko Erregina Kopa jokatu zen otsailaren 28tik martxoaren 3ra.

Palmaresa

Espainiako Liga (0): final erdiak 2017an.
- Liga 2 (1): 2015-16
- 1. Nazionala (1): 2012-13
Erreginaren Kopa (0): final erdiak 2017 eta 2020an.
Euskal Kopa (3): 2017, 2018, 2019

Azken urteak

Urtea	Maila	Postua	Kopa
2010-11	1. Nazionala	4.a
2011-12	1. Nazionala	2.a
2012-13	1. Nazionala	1.a (igo)
2013-14	Liga 2	4.a
2014-15	Liga 2	2.a
2015-16	Liga 2	1.a (igo)
2016-17	Liga	6.a, final erdiak	final erdiak
2017-18	Liga	10.a
2018-19	Liga	7.a, final 1/4	final 1/4
2019-20	Liga	bertan behera¹	final erdiak
2020-21	Liga	11.a
2021-22	Liga	12.a
2022-23	Liga	10.a	final erdiak

¹ 2019-20an denboraldia bertan behera gelditu zen COVID-19 pandemiaren erruz. Une horretan, bukatzeko lau jardunaldiren faltan, Gernika KESB hirugarren postuan zegoen ligan.

2022-2023 Taldea

#	Izena	Postua
4	Annika Holopainen	Hegal-pibota
7	Maider Castellano	Antolatzailea
9	Maria Asurmendi	Antolatzailea
10	Natalie van den Adel	Hegalekoa
11	Maimouna Diarra	Pibota
12	Txell Alarcón	Hegalekoa
13	Laura Pardo	Pibota
14	Florencia Chagas	Eskolta
15	Marina Ortiz de Zárate	Hegalekoa
22	Tanaya Atkinson	Hegalekoa
27	Agostina Burani	Hegal-pibota