Aliste

Aliste
	Espainia
Administrazioa
Estatu burujabe	Espainia
Autonomia	Gaztela eta Leon
Probintzia	Zamorako probintzia
Geografia
Koordenatuak	41°47′N 6°18′W / 41.78°N 6.3°W
Azalera	1.182,79 km²
Demografia
Biztanleria	7.049
Dentsitatea	5,96 bizt/km²

Aliste (astur-leoneraz Aliste) Zamorako probintziaren iparraldean dagoen eskualdea da. 193.883 hektareako azalera dauka eta 11.000 biztanle inguru zituen 2008an.

Alcañices herriburua eta udalerririk populatuena da.

Geografia

Kokapen geografikoari dagokionez, mendebaldean eta hegoaldean Bragançako barrutia (Portugal), hegoaldean Sayago, hego-ekialdean Tierra del Pan, ekialdean Tierra de Alba, ipar-ekialdean Tierra de Tábara eta iparraldean La Carballeda eskualde mugakide ditu.

Aliste ibaiak eta Culebrako mendilerroak eskualdea zeharkatzen dute, eta bertan Penintsulako otso iberikoaren talderik handienetarikoak bizi dira.

Udalerriak

Udalerria	Azalera	Biztanleak (2008)	Herriak
Alcañices	54,76	1.063	Alcorcillo, Santa Ana eta Vivinera Cernadilla.
Figueruela de Arriba	153,17	442	Figueruela de Abajo, Gallegos del Campo, Moldones, Riomanzanas, Villarino de Manzanas eta Flechas Espadañedo.
Fonfría	132,37	993	Arcillera, Bermillo de Alba, Brandilanes, Castro de Alcañices, Ceadea, Fornillos, Moveros eta Salto de Castro.
Gallegos del Río	78	693	Domez, Flores, Lober, Puercas, Tolilla eta Valer.
Mahíde	108,87	435	Las Torres de Aliste, Pobladura de Aliste, Boya eta San Pedro de las Herrerías.
Pino del Oro	29,57	198
Rabanales	80,29	684	Fradellos, Grisuela, Matellanes, Mellanes eta Ufones.
Rábano de Aliste	55,95	429	San Mamed, Sejas de Aliste eta Tola.
Riofrío de Aliste	111,37	936	Abejera, Cabañas de Aliste eta Sarracín de Aliste.
Samir de los Caños	36,54	208
San Vicente de la Cabeza	153,50	498	Bercianos de Aliste, Campogrande de Aliste eta Palazuelo de las Cuevas.
San Vitero	64,05	669	El Poyo, San Cristóbal de Aliste, San Juan del Rebollar eta Villarino de Cebal.
Trabazos	93,45	1.027	Latedo, Nuez, San Martín del Pedroso eta Villarino Tras la Sierra.
Videmala	25,82	172	Villanueva de los Corchos.
Villalcampo	64,95	566	Carbajosa.
Viñas de Aliste	40,13	236	Ribas, San Blas eta Vega de Nuez.

Kultura

Hizkera

"Alistano" izenekoa bertako hizkera tradizionala izan da, leonesaren aldaera dena*.

Alistanoz egindako elkarrizketaren adibidea: ¿A onde fuest'ayer? Fuey a rega las patatas, al huertu que linda cun el vuestru. Pus, p'e qu'habiés arregau hacié poco. Si, hacié dos semanas, peru las patatas estaban ya turradicas. Es que cun estas calores... Y tu, ¿cuandu piensas dir a rega las tuyas? Nu sey on t'avia... Cun estu de mi padre... ¿Le pas'algu? Lleva una temporada muy estropiau.	Euskararako itzulpena: Nora joan zinen atzo? Patatak ureztatzera joan nintzen, zuenaren ondoan dagoen baratzera. Ba, orain dela gutxi ureztatu zenuela iruditzen zait. Bai, duela bi aste, baina patatak oso lehorrak zeuden. Bero hauekin nola bestela... Eta zuk, noiz pentsatu duzu zureak ureztatzera joatea? Ez dakit oraindik... Nire aitaren asuntoarekin... Zerbait gertatzen zaio ala? Bolada bat daroa oso gaixorik.

(*"El habla de Tierra de Aliste", José María Baz. Madril: CSIC, 1967).

Folklorea

Bercianos de Alisten (San Vicente de la Cabeza) orain dela bost mendetik Aste Santua ospatzeko daukaten modu bereziak oihartzuna eduki du eskualde eta probintziatik kanpo. Izan ere, azken urteotan turista eta bisitari ugari erakartzen ditu eta "eskualdeko interes turistiko"-tzat hartzeko eskatu izan dute.

Kanpo estekak

(Gaztelaniaz)Alisteko webgunea
(Gaztelaniaz)"Bercianos de Aliste: Un ejemplo de religiosidad popular (Tradición a las puertas del siglo XXI)"

Datuak: Q2994930
Multimedia: Aliste (comarca) / Q2994930