Ainhoa Larrañaga

Wikipedia, Entziklopedia askea
Jump to navigation Jump to search
Ainhoa Larrañaga
Ainhoa Larrañaga (cropped).jpg
Bizitza
Jaiotza Hernani2000ko ekainaren 30a (20 urte)
Herrialdea  Gipuzkoa, Euskal Herria
Jarduerak
Jarduerak aktorea eta abeslaria
Lan nabarmenak Go!azen
Musika instrumentua ahotsa
IMDb nm8845548

Ainhoa Larrañaga Arrizabalaga (Hernani, Gipuzkoa, 2000ko ekainaren 30a) euskal abeslari eta aktorea da, batez ere Goǃazen telesaileko hiru denboralditan egindako lanagatik ezaguna, Eli pertsonaiaren paperean. 2020an kanta propioekin osaturiko bere lehen diska aurkeztu zuen, Eskuminak.

Bizitza[aldatu | aldatu iturburu kodea]

Hernanin jaioa da, bertako Hernani BHI institutoan ikasitakoa da eta egun ere bertan bizi da. Txikitatik kantuan aritutakoa da, eta egun Hernaniko Musika Eskolako ikaslea da, Joxean Goikoetxea irakasle duela.[1]

2015eko udan ETB 1eko Kantugiro lehiaketan parte hartu zuen, Hernanin egin zuten saioan, Ed Sheeran abeslariaren "I See Fire" kanta abestu zuen eta saio hartako irabazlea izan zen.[2] 2016an Goǃazen telesailerako kasting-era aurkeztu zen, eta Eliren (Dulce Elizondo izenez) papera eskuratu zuen. Hiru denboralditan zehar egin du paper hori, eta beste zenbait saiotan ere agertu da, hala nola Bagoǃaz talent show-ean eta gabon zahar gaueko gala berezietan. Era berean, Goǃazen-en antzerki musikalean aritu zen 2017-2018 eta 2018-2019 denboraldietan, Goǃazen 4.0 eta Goǃazen 5.0 denboraldietan oinarrituak, hurrenez hurren. 2019ko urtarrilaren 25ean zabaldutako bideo batean hurrengo denboraldian ez zuela Goǃazenen jarraituko eman zuen aditzera, jarraitzaile eta lankide guztiei eskerrak emanez. Azken atala emititu ondoren, otsailaren 16an, ikusleei eta lantalde osoari eskerrak eman zizkien bere Instagram kontuan argitaratutako mezu baten bidez, eta era horretan agur esan zion telesailari.[3]

Egin dituen beste lan batzuen artean, Donostia Kulturak 2016ko Europako Kultur Hiriburutzaren harira antolatutako Adiorik gabe obran kantatu zuen, eta 2017ko Alboka taldearen Lurra, Ur, Haize albumean zenbait kantetan parte hartu zuen.

Une honetan bakarkako diskoa prestatzen dabil Iker Laurobaren laguntzarekin; jazza, soula eta swinga uztartuko dituena. Arte munduan egonkortzeko nahia adierazi du, eta Goǃazen bukatu ondoren interpretazioan jarraitu nahiko lukeela esan du.[4]

2019an zehar bere bakarkako lana aurkezteko zenbait kontzertu eman zituen, besteak beste Donostiako Jazzaldian.[5] 2020ko otsailaren 5ean kaleratu zuen albuma, Eskuminak izenekoa, eta otsailaren 8an aurkeztu Donostiako Doka antzokian. Bere ahotsaz gain Iker Lauroba (kontrabaxu eta sintetizadorea), Garazi Esnaola (pianoa), Amaia Miranda (gitarra) eta Haritz Laurobaren (bateria) laguntza izan du proiektu honetarako.[6]

2020an Goǃazen telesailera itzuli zen, koronabirusaren pandemiaren ondorioz egindako Goǃazen etxean atal berezietarako, nahiz eta Goǃazen 6.0 denboraldiko atal batean ere gonbidatua izan zen 2019an. Era berean, La 1 telebista katearen Servir y proteger telesailean Victoriaren papera egin du.

Bere hurrengo proiektuen artean Amazon Prime Video plataformaren El internadoː Las Cumbres telesaila dago, 2020 amaieran edo 2021ean estreinatuko dena.[7]

Filmografia[aldatu | aldatu iturburu kodea]

Telebista[aldatu | aldatu iturburu kodea]

Urtea Izenburua Papera Katea Oharrak
2015 Kantugiro Lehiakidea ETB 1
2016-2020 Goǃazen Dulce Elizondo "Eli" ETB 1 Pertsonaia nagusia (2016-2019, 36 atal)
  • Goǃazen 3.0 (2016-2017, 10 atal)
  • Goǃazen 4.0 (2017-2018, 13 atal)
  • Goǃazen 5.0 (2018-2019, 13 atal)

Gonbidatua (2019-2020, 10 atal)

  • Goǃazen 6.0 (2019, atal 1)
  • Goǃazen etxean (2020, 9 atal)
2017-2019 Bagoǃaz Coach gonbidatua ETB 1 3 atal
2018 Goǃazen 2018 Bere burua ETB 1 Gabon zahar gaueko saio berezia
2019 Goǃazen 2019 Bere burua ETB 1 Gabon zahar gaueko saio berezia
2019-2020 Gure kasa Gonbidatua ETB 1 3 atal
2020 Goǃazen 2020 Bere burua ETB 1 Gabon zahar gaueko saio berezia
2020 Servir y proteger Victoria Gargallo TVE
Argitzeke El internadoː Las Cumbres Patricia Prime Video

Antzerkia[aldatu | aldatu iturburu kodea]

  • Goǃazen 4.0 antzerkia (2017-2018), telesailean oinarritutako antzerki musikala.
  • Goǃazen 5.0 antzerkia (2018-2019), telesailean oinarritutako antzerki musikala.

Bestelakoak[aldatu | aldatu iturburu kodea]

Diskografia[aldatu | aldatu iturburu kodea]

Bakarka[aldatu | aldatu iturburu kodea]

  • Eskuminak (2020)

Kolaborazioak[aldatu | aldatu iturburu kodea]

  • "Lurra, Ur, Haize" - Albokaren Lurra, Ur, Haize (2017), Aztana. Alboka, Joxan Goikoetxea, Alan Griffin, Petti, Xabi San Sebastián & Ainhoa Larrañaga
  • "Ontzi zahar batean" - Iker Laurobaren Udazkena (2018), Audiovisuales de Sarrià
  • "Quédate" - Capitán Tortuga (2019)

Erreferentziak[aldatu | aldatu iturburu kodea]