Aizgoyen etxea

Aizgoyen etxea
	Eraikitako euskal ondasun nabarmena
	Getxoko eremu berezia
	Irudi gehiago
Kokapena
Herrialdea	Euskal Herria
Probintzia	Bizkaia
Herria	Getxo
Koordenatuak	43°20′23″N 3°00′42″W / 43.339703°N 3.01161°W
Arkitektura
Estiloa	Euskal estiloko arkitektura
Ondarea
EJren ondarea	79

Aizgoyen Etxea Getxo udalerriko Neguri auzoko Atxekolandetako 9 garren zenbakian kokatuta dago.

Manuel María Smith arkitektoak neoeuskaldun estiloan egindako tamaina handiko lehen eraikina da. Ziur asko, bere lanik ezagunenetako bat da. Emilio Ybarra y de la Revilla enpresaburu eta Bilboko El Pueblo Vasco egunkariaren sortzaileetako bat izandadoak eskatu zion egiteko 1909an, eta familia horrena izan zen 1942. urtera arte.

Eraikinaren kokaleku topografikoa bikaina da, Arriluze erlaitzean, eta aurrealdean eustorma bat du eta inguruan Bizkaiko zenbait etxe handi eta dotore.

Eraikina[aldatu | aldatu iturburu kodea]

Egoitza exentu bat da, oin angeluzuzena du, eta bi isurkiko estalki bat; estalkiak hegal handiak eta irudi geometrikoekin tailatutako harburuak ditu. Altxaeran behe-sotoa, beheko solairua, lehenengo solairua, bigarrena eta teilatupeko solairua. Hormak harri-horman eta adreiluz eta zuraz egindako fikziozko bilbadura batean landu dira. Harri-horma behe-sotoan, baoen inguruan eta portalean ikus daiteke eta gainontzeko hormetan luzituta dago. Zurezko bilbadura bigarren altuera batean eta frontoian dago eta eskema horizontal, bertikal eta zehiarrekin erretikula bat osatzen du. Baoak bakunak eta angeluzuzenak dira. Fatxada nagusian suebaki apaingarriak daude, erlaitz lobulatuekin. Bertako pinturen aberastasuna azpimarratu behar da; zurezko bilbaduretan, eustormetan eta Abraren malkarraren gaineko barandetan jartzen den urdin-kolorearekin lortzen da aberastasun hori. Eraikinean lorategi garrantzitsu bat dago. Horrez gain kapera bat ere badago, bai eta pergolak eta glorietak.^[1]