Aizpea Otaegi
| Aizpea Otaegi | |||
|---|---|---|---|
 (2019) | |||
2019ko ekainaren 15a - ← Julen Mendoza Perez | |||
| Bizitza | |||
| Jaiotza | Errenteria, 1974ko azaroaren 18a (49 urte) | ||
| Herrialdea |  Gipuzkoa, Euskal Herria | ||
| Hezkuntza | |||
| Heziketa | Euskal Herriko Unibertsitatea Deustuko Unibertsitatea Universitat Jaume I, Instituto Universitario de Estudios Feministas y de Género Purificación Escribano (en)  | ||
| Hizkuntzak | euskara gaztelania frantsesa ingelesa | ||
| Jarduerak | |||
| Jarduerak | politikaria eta aholkularia | ||
| Enplegatzailea(k) | Elhuyar Fundazioa | ||
| Sinesmenak eta ideologia | |||
| Alderdi politikoa | .svg){kind=small} Euskal Herria Bildu | ||
    | |||
.svg){kind=small}
Aizpea Otaegi Mitxelena (Errenteria, Gipuzkoa, 1974ko azaroaren 18a) politika publikoen arloko aholkulari eta politikaria da. Soziologian eta Politika Zientziatan lizentziatua, Elhuyar Fundazioko Aholkularitza Zerbitzuan koordinatzaile nagusia zen, 2019ko ekainean, Errenteriako alkate izateko hautatua izan zen arte.[1][2]
Hizkuntzaren normalizazioa eta berdintasuna[aldatu | aldatu iturburu kodea]
Hizkuntzaren normalizazioa eta berdintasuna, bi esparru horiek landu ditu Elhuyar Aholkularitzan. Adibidez, Gasteizko Udaleko Euskara Zerbitzuak eskatuta, genero ikuspegia hizkuntza politikan txerta ahal izateko proposamen bat aurkeztu zuen Otaegik Goizargi Oruesagasti eta Joana Arakistainekin batera.[3]
Esparru honetan egindako lanaren adierazgarri dira ondokoak:[4]
- Euskaltzaletasuna eta feminismoa: zer ikasi, hura elikatu. Jaime Altuna Ramirez, Saioa Iraola Urkiola, Aizpea Otaegi Mitxelena (Ikastaroa, UEU 2019)
- Nola txertatu genero-ikuspegia hizkuntza-politikan? Lanerako marko baten proposamena. Aizpea Otaegi Mitxelena, Goizargi Oruesagasti Otaño, Joana Arakistain (artikulua BAT aldizkarian, 2014)
- Jarrerak hizkuntza normalkuntza prosezuetan Aizpea Otaegi Mitxelena (Hitzaldia, UEU, 2007)
Errenteriako lehen emakumezko alkatea[aldatu | aldatu iturburu kodea]
Errenteriako historiako emakumezko lehen alkatea izan da. Inbestidura-bozketan aldeko hamabi boto eta bederatzi zuri lortu zituen. Elkarrekin Podemosekin lortutako akordioaren ondorioz, Otaegik gehiengo absolutuarekin ziurtatu zuen alkatetza, EH Bilduren bederatzi zienegotzien eta Podemosek, Equok eta Ezker Batuak osatzen duten koalizioko hiruen babesa lortuta.[5][6]
2023ko ekainaren 17an, bigarrenez alkate aukeratua izan zen EH Bilduko bederatzi zinegotzien eta Elkarrekin-Podemos-IU-AV koalizioaren bi zinegotzien aldeko botoarekin.[7]
Alkatetzan egindako ibilbidea[aldatu | aldatu iturburu kodea]
2020ko azaroan, COVID-19aren pandemiaren bigarren olatuaren baitan, Errenteriako Zaintza Sare Publiko-Komunitarioa berriro martxan jartzea erabakitzen da egoerari aurre egiteko: «Guztiok ari gara gure bizitzak aldatzen, guztiok ari gara ziurrenik esperimentatzen beldurra, ohi baino bakardade handiagoa. Isolatzen edo harremanak ere murrizten ari gara, eta kezkatzen gaitu oro har biztanleriaren ikuspegitik, baina batez ere, adin batetik gorako herrikideen kasuan, pentsatzen dugulako hor gertatu daitezkeela egoera lazgarrienak. Beldurrik handiena, isolamendurik handiena adin horietan gerta daiteke.»[8]
Erreferentziak[aldatu | aldatu iturburu kodea]
- ↑ Alkatea – Errenteriako Udala. (Noiz kontsultatua: 2020-02-27).
- ↑ (Gaztelaniaz) Perez, Mikel. (2019-06-16). «Aizpea Otaegi se convierte en la primera alcaldesa de la historia» El Diario Vasco (Noiz kontsultatua: 2020-02-27).
- ↑ Belarra, Maialen. ««Emakumeek eta euskarak pisu ahula dute zenbait arlotan»» Berria (Noiz kontsultatua: 2020-02-27).
- ↑ «Aizpea Otaegi Mitxelena :: Inguma - Euskal komunitate zientifikoaren datu-basea» www.inguma.eus (Noiz kontsultatua: 2020-02-28).
- ↑ (Gaztelaniaz) «Aizpea Otaegi se convierte en la primera alcaldesa de la historia» El Diario Vasco 2019-06-16 (Noiz kontsultatua: 2020-02-28).
- ↑ «Aizpea Otaegi da EH Bilduren alkategaia» Oarsoaldeko Hitza 2019-02-01 (Noiz kontsultatua: 2020-02-27).
- ↑ Aizpea Otaegi Mitxelenak alkate kargua berritu du – Herribizia. 2023-06-17 (Noiz kontsultatua: 2023-06-19).
- ↑ «Aizpea Otaegi: "Keinu txiki askok, jende askoren bizimodua alda dezakete"» Oarsoaldeko Hitza 2020-11-11 (Noiz kontsultatua: 2020-11-15).
Kanpo estekak[aldatu | aldatu iturburu kodea]
- @AizpeaOM kontua Twitterren
| Autoritate kontrola |
|
|---|
Datuak: Q86533889
Multimedia: Aizpea Otaegi / Q86533889