Alberto Korda

Alberto Korda
	; Irudi gehiago
Bizitza
Jaiotzako izen-deiturak	Alberto Díaz Gutiérrez
Jaiotza	Habana, 1928ko irailaren 14a
Herrialdea	Kuba
Heriotza	Parisko 7. barrutia, 2001eko maiatzaren 25a (72 urte)
Heriotza modua	berezko heriotza: miokardio infartu akutua
Hezkuntza
Hizkuntzak	gaztelania
Jarduerak
Jarduerak	argazkilaria, moda-argazkilaria, fotokazetaria eta artista bisuala
Lan nabarmenak	ikusi Guerrillero Heroico (en) ;

Alberto Díaz Gutiérrez, ezagunago Alberto Korda gisa, (Habana, 1928ko irailaren 14a-Paris, 2001eko maiatzaren 25a), argazkilari kubatar ospetsua izan zen. Oso ezagunak dira Kubako Iraultzaren inguruan egin zituen lanak, bereziki Che Guevararen erretratuak.

Biografia

1940ko hamarkadan, negozio klaseak hartu zituen Candler Collegen eta Habana Business Academyn, biak Habanan kokatuta. Luis Piercerekin batera (Luis Korda) Korda estudioak sortu zituen, eta bertan lan egin zuen 1953 eta 1968 artean; estudioan mota guztietako lan komertzialak burutu zituzten. Bere prestakuntza autodidakta bazen ere, argazkilaritza Newton Estapérekin ikasi zuen eta gero Luis Piercerekin ere ikasi zuen. 1959an Kubako Iraultzaren garaipena lortuta, Iraultzaren alde lan egin zuen eta Fidel Castrorekin batera argazkilari gisa Kubako buruzagiak urte horietan egindako bira desberdinetan ibili zen. 1960. urtea bere bizitza aldatuko zen urtea zen, Gerrillari heroiko argazki ospetsua egin zuenean, kritikari handien iritziz, garai guztietako hamar argazki erretratu onenetakoa dena. Argazki hori munduan gehien erreproduzitu den argazkia da. Horrek, aldi berean, betiko iraultzailearen estetika aldatu zuen. Kubako urpeko argazkigintzaren sortzailea izan zen. 1968an Zientzia Akademiako Ozeanologia Institutuan hasi zen Kubako koralen Atlasa egiten. Bere argazki lanak Europan zein Amerikan galeria nagusietan erakutsi dira.

Argitalpenak

Argitalpen ugari egin zituen Kordak:^[1]

1962: Cartilla Oficial de la Alfabetización. Ed. Mined.1963 Cuba ZDA
1974: Presencia del Che en la plástica. Aldo Menéndez. Revolución y Cultura 22 zenbakia.
1978: Hecho en Latinoamérica I. Ed. Consejo Mexicano de Fotografía.
1979: XX Aniversario Casa de las Américas. Apuntes para una historia de la Fotografía, María E. Haya. De INBA/SEP/FONAPAS.
1979: Colección Fotógrafos Cubanos, Ed. UNION.
1980: Calendar. Center for Cuban Studies N.Y
1982: Photographie Lateinamerika, Erika Billeter, Ed. Kunthaus Zurich.
1981: Fotografía Iberoamericana. Museo Español de Arte Contemporáneo.
1982: Una foto recorre el mundo. Raúl Rodríguez. Rev Moncada octubre 82.
1983: Cuban Photography 1959-82. Center for Cuban Studies N. Y. 198311 negartivo originale di Che Guevara. Giuliana Scime. Progresso Fotografico Junio 83. Italia.
1985: Colección Tarjetas Postales. Center for Cuban Studies N. Y.
1985: Cubansk Fotografi. Maria E. Haya. Fotograficentrums BILD. 2-3 zenbakia.
1985: Korda, Isabel B. Duran. FotoZoom No 123. Mexico DF.
1985: Sul filo della memoria. Lanfranco Colombo. Infinito 10 zenbakia. Italia.
1986: A Cuba, nous avons retrouve le photographe du Che. Cecile Cuchet. Photo Reporter 90 zenbakia. A Francia.
1988: Momenti della Storia. Centro Cultural Editorial Pier Paolo Pasolini. Agrigento, Italia.