Alejandro Larrakoetxea
| Alejandro Larrakoetxea | |
|---|---|
| Bizitza | |
| Jaiotza | Zeanuri, 1892ko otsailaren 26a |
| Herrialdea |  Bizkaia, Euskal Herria |
| Heriotza | Markina-Xemein, 1976ko urtarrilaren 25a (83 urte) |
| Familia | |
| Anai-arrebak | ikusi
|
| Hezkuntza | |
| Hizkuntzak | euskara |
| Jarduerak | |
| Jarduerak | idazlea |
| Izengoitia(k) | Legoaldi eta Hipolito |
| Sinesmenak eta ideologia | |
| Erlijio-ordena | Karmeldarrak |
 | |
Alejandro Larrakoetxea Agirrezabala (Izengoitiak: Legoaldi, Hipolito ; Zeanuri, 1892ko otsailaren 26a - Markina, 1976ko urtarrilaren 25a) Bizkaiko idazlea izan zen, Bedita Larrakoetxearen anaia. Karmeldarra. Larrean egin zituen apaiz izateko ikasketak, eta Gasteizen egin zen apaiz, 1916an. Zuzenbide Kanonikoko irakaslea izan zen Begoñan, Calahorran eta Erroman. 1936an bitartekari-lanak egin zituen, EAJko diputatuen eta Vatikanoaren artean, eta elkarrizketa luze bat izan zuen Pizzardo kardinalarekin. Harreman horien lekuko da Euzkadi y el Vaticano (1976) izeneko liburua. Karmeldarren ordenako Nafarroako buru izan zen, 1948-1951 eta 1957-1960 urte bitarteetan, eta ondoren, Vatikanoko artxiboetan ikerlari ibili zen. Grimm anaien ipuin-sorta bat euskaratu zuen, eta 1930-1940 urte bitartean argitaratu zituen Bilbon, Grimm anayen ipuiñak izenburupean. Euzkadi eta Karmengo Argia aldizkarietan eman zituen argitara lanik garrantzitsuenak. Harena da, halaber, Miguel de Cervantes idazlearen La tía Cornelia obraren itzulpena.
Erreferentziak[aldatu | aldatu iturburu kodea]
- Artikulu honen edukiaren zati bat Lur hiztegi entziklopedikotik edo Lur entziklopedia tematikotik txertatu zen 2011/12/27 egunean. Egile-eskubideen jabeak, Eusko Jaurlaritzak, hiztegi horiek CC-BY 3.0 lizentziarekin argitaratu ditu, Open Data Euskadi webgunean.
