Altamirako Museoa
Altamirako Museoa | |
---|---|
Museo Nacional y Centro de Investigación de Altamira | |
Kokapena | |
Estatu burujabe | Espainia |
Autonomia | Kantabria |
Municipality of Cantabria | Santillana del Mar |
Koordenatuak | 43°22′39″N 4°07′21″W / 43.3774°N 4.1225°W |
Historia eta erabilera | |
Irekiera | 2001 |
Inaugurazioa | 2001eko uztailaren 17a |
Arkitektura | |
Arkitektoa | Juan Navarro Baldeweg |
Webgune ofiziala | |
Altamirako Museo Nazionala eta Ikerketa Zentroa, Altamirako Museoa edo Altamira Museoa bezala ere ezaguna, 1985ean Unescok Gizateriaren Ondare izendatu zuen Santillana del Marreko (Kantabria, Espainia) Altamirako kobazuloa kontserbatzeko, ikertzeko eta zabaltzeko zentroa da, eta leizearen erreplika ere badu bertan, Neocueva esaten diotena.
Ezaugarriak[aldatu | aldatu iturburu kodea]
2001an ireki zen eta eraikina Juan Navarro Baldeweg arkitektoaren lana. [1]
Kobazuloaren ondoan, museoak historiaurreko teknologiei buruzko tailerrak eta Altamirako garaiak erakusketa iraunkorra eskaintzen dizkio bisitariari, aztarnategi horretatik datozen objektuekin, eta baita El Morin, El Juyo eta El Rascañotik datozenekin ere. Erakusketa honen parte da leizearen erreplika artifizial bat, originala bisitarien etorrera masiboaren ondoriozko kalteetatik babesteko eraiki zena.
Erreplikan Altamirako Sabai Handiko pintura ospetsuen erreprodukzio bat ikus daiteke nabarmen. Erreprodukzio hori Pedro Saurak eta Matilde Muzkizek egin zuten, Madrilgo Unibertsitate Konplutentseko Arte Ederren Fakultateko argazkigintzako katedradun eta marrazketako irakasle titularrak, hurrenez hurren. Erreprodukzio honetan, pintore paleolitikoek erabili zituzten marrazketa, grabatu eta pintura teknika berdinak erabili ziren. Erreprodukziorako originalak aztertzean pintura eta grabatu berriak aurkitu ziren.
Espainiako Museo Nazionala da ofizialki.
Bildumak[aldatu | aldatu iturburu kodea]
Altamirako haitzuloko eta inguruko beste batzuetako aurkikuntzetatik datozen hainbat bilduma zaindu eta erakusten dira, hala nola:[2]
- Altamirako leizea (Santillana del Mar, Kantabria).
- Altamirako inguruak (Santillana del Mar, Kantabria).
- Cuchiako aztarnategia (Cuchia, Miengo, Kantabria).
- El Castillo leizea (Puente Viesgo, Kantabria).
- Moringo leizea (Villanueva de Villaescusa, Kantabria).
- El Rascaño leizea (Mirones, Miera, Kantabria).
- El Salitre leizea (Ajanedo, Miera, Kantabria)
- Chufín haitzuloa (Riclones, Kantabria).
- Juyo leizea (Igollo de Camargo, Kantabria).
- La Pila leizea (Cuchía, Miengo, Kantabria).
- Las Estalactitas leizea (Santillana del Mar, Kantabria).
Iruditegia[aldatu | aldatu iturburu kodea]
-
Neocueva esaten dioten erreplikara sarbidea.
-
Pedro Sánchez Espainiako gobernuburuaren bisitan, bisonteen sabaia.
-
Orein bat erreplikan.
-
Bisonteak erreplikan.
-
Museoko piezak.
Erreferentziak[aldatu | aldatu iturburu kodea]
- Artikulu hau, osorik edo zatiren batean, gaztelerazko wikipediako «Museo Nacional y Centro de Investigación de Altamira» artikulutik itzulia izan da, 2024-01-17 data duen 157314083 bertsioa oinarritzat hartuta. Sartze-datarik ez duten erreferentziak, edo 2024-01-17 baino lehenago datatuak, jatorrizko artikulutik ekarri dira itzulpenarekin batera.
- ↑ Lasheras et al. Fatás, 25 orr. .
- ↑ Ministerio de Cultura. «Colecciones del Museo» Museo de Altamira.