Santillana del Mar

Santillana del Mar Santillana del Mar
Kantabriako udalerria
Irudi gehiago
Administrazioa
Estatu burujabe	Espainia
Autonomia	Kantabria
Alkatea	Isidoro Rabago León (en)
Izen ofiziala	Santillana del Mar
Jatorrizko izena	Santillana del Mar
Posta kodea	39330
INEk ezarritako kodea	39076
Geografia
Koordenatuak	43°23′36″N 4°06′17″W
Azalera	28,46 km²
Altitudea	82 m
Mugakideak	Alfoz de Lloredo, Reocín, Torrelavega, Polanco eta Suances
Demografia
Biztanleria	4.189 (2025)
2.163 (%51,2)   (%48,8) 2.058
Dentsitatea	147 bizt/km²
Matrikula	S

Santillana del Mar Kantabriako erkidegoko Costa Occidental eskualdean dagoen udalerria da. Suances, Torrelavega, Alfoz de Lloredo eta Reocín udalerriekin muga egiten du.

Udalerri txiki hau eskualde honetako turismogune garrantzitsuenetakoa da, bere inguruetan labar-pinturaren "sixtinar kapera" deitzen duten Altamirako leizea eta XII. mendeko Santillana del Marreko kolegiata baitaude.

Halaber, Santillana del Marrek iberiar basabereei buruzko neurri handidun Zoologiko eta Lorategi Botaniko bat ere badu, bertan kolore eta itxura ezberdinetako neurri handiko tximeleta ugari daudelarik. Gainera beste museo batzuk ere badaude, hauen artean Inkisizioaren Museoa, Regina Coeli Eliz-Museoa eta Jesús Oteroren Museoa daudelarik.

Turismogune garrantzitsua denez, bere galtzadarriztatutako kaleak ostatuz eta kantabriar produktuak saltzen diren dendez bete-beterik daude. Produktu hauen artean Santoñako antxoak, Tresvisoko Picón gazta ospetsua eta orein gatzartua daude. Janari dendez gain, artisau produktuak saltzen dituzten dendak ere ikustekoak dira, hauetan kantabriar mitologiaren inguruko pertsonaien eskulturak nagusitzen direlarik.

Herriak

Santillana del Mar udalerriko karrika bat.

Bere 4.049 biztanleak (INE honela banatzen dira:

• Arroyo, 43 biz.
• Camplengo, 201 biz.
• Herrán, 204 biz.
• Mijares, 124 biz.
• Queveda, 586 biz.
• Santillana del Mar (herrigunea), 1.108 biz.
• Ubiarco, 246 biz.
• Vispieres, 337 biz.
• Viveda, 1.069 biz.
• Yuso, 65 biz.

Herrigunea

Santillana del Mar udalerriko herrigunea da. Itsas mailatik 82 metrotara eta muino txikiez inguratutako ibar batean kokatua dago. 2006ko erroldaren arabera herrigune honek 1.108 biztanle zituen.

Jaiak

Santa Julianako Jaiak (Fiestas de Santa Juliana). Jai hauek udalerriko santu jagolearen ohorez ekainaren 28an ospatzen dira. Adin ezberdinetako jendearentzako ekitaldi ezberdinak ospatzen dira: haurrentzako ekitaldiak, herri kirolak edo ekitaldi gastronomikoak. Egunik garrantzitsuena santu zaindariaren eguna den ekainaren 28a da. Egun honetan santu zaindariaren omenezko elizbira, meza eta dantza burutzen direlarik

Geografia

Udalerri mugakideak

Honako udalerri hauek ditu mugakide: Alfoz de Lloredo, Reocín, Torrelavega, Polanco eta Suances.

Demografia

Oharra: grafiko hau Wikidatan jasotako datuetatik egin da, automatikoki. Daturen bat aldatu edo eguneratu behar izanez gero, egizu Wikidatan bertan.

Biztanleria-piramidea 2025 Guztira: 2.058 gizon, 2.163 emakume
% Gizonak Adina Emakumeak % 0.00   100+   0.00 0.00   95-99   0.51 0.58   90-94   1.94 1.17   85-89   2.27 2.48   80-84   3.61 4.37   75-79   4.62 5.88   70-74   5.22 6.95   65-69   7.95 8.75   60-64   7.72 8.16   55-59   7.35 8.36   50-54   8.09 9.09   45-49   8.41 8.65   40-44   7.67 6.22   35-39   6.29 4.23   30-34   4.07 3.55   25-29   4.30 4.62   20-24   4.07 4.86   15-19   5.22 4.96   10-14   4.16 4.47   5-9   3.51 2.67   0-4   3.01
Iturria: Instituto Nacional de Estadística

Iturria: INE

Ikus, gainera

• Kantabriako udalerrien zerrenda

Kanpo estekak

• (Gaztelaniaz) Santillana del Mar herriaren turismo webgunea

Kolegiata erromanikoa

• Datuak: Q493817
• Multimedia: Santillana del Mar / Q493817