Amaia Goirigolzarri Alegria

Amaia Goirigolzarri Alegria
	;
Bizitza
Jaiotza	Gamiz (Mungialdea), 1978ko uztailaren 27a
Heriotza	Gurutzetako Unibertsitate Ospitalea, 2023ko abuztuaren 9a (45 urte)
Heriotza modua	: Minbizia
Hezkuntza
Hizkuntzak	euskara; gaztelania
Jarduerak
Jarduerak	abokatua eta aktibista

Amaia Goirigolzarri Alegria (Gamiz, Bizkaia, 1978ko uztailaren 27a – Barakaldo, Bizkaia, 2023ko abuztuaren 9a) abokatua izan zen, Sare Herritarreko eta Erabakizaleak taldeko kidea. Giza eskubideen eta osasun sistema publiko hobe baten aldeko aktibista. Sarkoma minbiziaren ikerkuntzaren aldeko erreferentea.^[1]

Biografia[aldatu | aldatu iturburu kodea]

Ibilbide profesionala[aldatu | aldatu iturburu kodea]

Iturburu 2012 S.L.ren sortzailea & lege-aholkularia izan zen eta haren egitekoa zerbitzuak behar zituen edonoren eskubideak eta interesak babestea izan zen.^[2]Iturburu 2012. urtean Mungian jaiotako: higiezinen agentzia, Amaiak aitarekin eta nebarekin batera sortu zuen. Iturburu izena sendiaren baserritik zetorkion, eta jatorriei eusteko asmoz erabili eta enpresaren nortasunaren ikur bihurtua (sustraiak, familia, lana, etab.) eta haren balioen isla (berrikuntza, gardentasuna, batasuna, begirunea, ongizatea, baliagarritasuna, ardura eta unibertsaltasuna).^[2]

Aktibista[aldatu | aldatu iturburu kodea]

Sareko kidea. Euskal preso, iheslari eta deportatuen eskubideen alde lanean aritu zen emakumea izan zen Amaia.

2021eko urtarrilean Bilbon Sarek antolatutako deialdia mezua irakurri zuen UPV/EHUko Iñaki Goirizelaia errektore ohiarekin batera;

Hemen gaude, aurten ere, aldarrikapen berberen defentsan, La Casillarik gabe, baina gure herriko plazan. "Bidea Gara" lelopean atera gara kalera. Bakoitza bere erara. Bakoitza bere ideiekin, sentimenduekin eta bizipenekin, baina guztiak bide beretik. Etxerako, elkarbizitzarako eta bakerako bidean.^[3]

Erabakitzeko eskubidearen aldeko Erabakizaleak taldeko kide ere bazen. Talde hark, besteak beste, adierazi zuen euskal herritarrei dagokiela «euren etorkizunari buruz erabakitzeko eskubidea», eta Kataluniako prozesu independentista bultzatu zuten buruzagi katalanak «berehala» aske uzteko eskatu zuen, haiek behin-behinean espetxeratu zituztenean. Era berean, Espainiako Auzitegi Gorenak Bateragune auzia berriro egitearen alde egitea salatu zuen 2020an, Euskal Herriko eta Kataluniako beste hainbat juristarekin batera. Amaia arduratu zen manifestua aurkezteaz, Arantza Isasmendi abokatuarekin batera.^[4]

Zapì solidarioak[aldatu | aldatu iturburu kodea]

2016an egindako analisi batean sarkoma detektatu zioten Amaiari. Maitane Bilbao disenatzailearekin batera zapi solidarioak sortu zituen sarkoma ikertzeko dirua biltzeko eta kanpaina solidario bati hasiera eman zitzaion. Laguntza handiagoa eskatzen zuten sarkoma ikertzeko eta pazienteak erreferentziazko zentroetara bideratzeko tratamendua jasotzera.^[5]

Kanpainaren barruan Itziar Ituño aktore ezaguna, gaixotasun honen inguruan sentsibilizatzeko eta kanpainarekin kolaboratzera animatzeko egindako bideo baten protagonista izan zen.

Amaia Goirigolzarrik, Vall d 'Hebrongp Unibertsitate-Ospitalean tratamendua jasotzen zuen gaixotasun horrek jotako pazienteak, euskal kulturaren arloko artista eta ordezkariek parte hartzen zuten kanpaina bultzatu zuen.