Amaranta Gómez Regalado
| Amaranta Gómez Regalado | |
|---|---|
 (2020) | |
| Bizitza | |
| Jaiotza | Juchitán de Zaragoza (en)  , 1977ko azaroaren 7a (47 urte) |
| Herrialdea |  Mexiko |
| Talde etnikoa | Zapoteka etnia |
| Hezkuntza | |
| Heziketa | Universidad Veracruzana (en) |
| Tesia | baliorik ez |
| Hizkuntzak | gaztelania |
| Jarduerak | |
| Jarduerak | giza eskubideen aldeko ekintzailea eta antropologoa |
| Ideologia eta sinesmenak | |
| Alderdi politikoa | México Posible (en) |
Amaranta Gómez Regalado (Juchitán de Zaragoza, Oaxaca, Mexiko, 1977ko azaroaren 7a) gizarte-antropologo eta ekintzaile mexikarra da.
Bizitza
[aldatu | aldatu iturburu kodea]1977an jaio zen. Jaiotzean gizonezko generoa esleitu zioten, baina muxe gisa identifikatzen du bere burua (zapoteka kulturan, muxe da gizonezko generoa esleitu zaion pertsona, emakumezko genero-rola betetzen duena)[1]. Amaranta izena nerabezaroan erabiltzen hasi zen, Gabriel García Márquezen Cien años de soledad nobela irakurri ondoren[2][3].
19 urte zituela, aktibismoan hasi zen Gunaxhii Guendanabani erakundean, GIBa duten pertsonei laguntzen[3].
2002ko urrian, ezkerreko besoa zauritu zuen auto-istripu batean eta anputatu behar izan zioten[4][3].
25 urte zituela, ospea lortu zuen México Posible alderdiko hautagai gisa 2003ko Kongresu Federalerako hauteskundeetan. Bere plataforma zabalean marihuana eta abortuak deskriminalizatzeko deialdiak zeuden, baina ez zen hautatua izan[5][6].
Gizarte-antropologia ikasi zuen Veracruzeko Unibertsitatean 2011 eta 2016 artean, eta Guendaranaxhii: la comunidad muxe del istmo de Tehuantepec y las relaciones erótico afectivas izeneko lana defendatu zuen[1][3].
2015ean, jaiotza-agirian genero-marka aldatzea lortu zuen, eta horri esker, beste dokumentu ofizialak aldatu zituen[7].
2018an, Amaranta Gómez Regalado ikastetxea ireki zuten Santiagon (Txile)[8].
Erreferentziak
[aldatu | aldatu iturburu kodea]- ↑ a b (Gaztelaniaz) Peralta Vázquez, Claudia. «“Soy la primera muxe en obtener un título profesional”: Amaranta Gómez» Universo (kontsulta data: 2023-09-02).
- ↑ (Gaztelaniaz) Espíndola, Marcela. «Gestando un nombre propio» Artemisa Noticias 2006-07-26 jatorrizkotik artxibatua (artxibatze data: 2016-03-08) (kontsulta data: 2023-09-02).
- ↑ a b c d (Gaztelaniaz) Máximo, Matías. «Las cien vidas de Amaranta» Anfibia 2017-04-27 (kontsulta data: 2023-09-02).
- ↑ (Gaztelaniaz) Mujica, Gustavo. «La tercera posición» Página 12 2006-07-21 jatorrizkotik artxibatua (artxibatze data: 2010-01-23) (kontsulta data: 2023-09-02).
- ↑ (Gaztelaniaz) Medina, Antonio. «La nueva visibilidad lésbico-gay» Letra S 2003-06-05 (kontsulta data: 2023-09-02).
- ↑ (Gaztelaniaz) «Amaranta Gómez Regalado» WorldOutGames jatorrizkotik artxibatua (artxibatze data: 2009-07-21) (kontsulta data: 2023-09-02).
- ↑ (Gaztelaniaz) «Estudiante de la UV cambia legalmente de identidad de género» Plumas libres 2015-04-02 (kontsulta data: 2023-09-02).
- ↑ (Ingelesez) Jenner, Frances. «Chile is the home to Latin America’s first transgender school» Chile Herald 2019-01-26 (kontsulta data: 2023-09-02).
Kanpo estekak
[aldatu | aldatu iturburu kodea]| Autoritate kontrola |
|
|---|
Datuak: Q5671827
Multimedia: Amaranta Gómez Regalado / Q5671827