Atari:Bretainia/Bretainiako artikulua
Bretainia | |
Bretainia (bretainieraz Breizh, /bʁejs/ ahoskatua, frantsesez Bretagne, galoz Bertaèyn) eskualde historiko eta kulturala da, bost Nazio zeltetako bat. Antzinean erresuma zelta eta dukerri independientea izan zen. Bere bandera gwenn-ha-du (beltza eta zuria) delakoa da. Bretainiak Frantzia ipar-mendebaldeko penintsula osoa hartzen du, Mantxako kanalaren eta Bizkaiko golkoaren artean kokatua. Historia[aldatu iturburu kodea]Antzina erresuma burujabea eta dukerria izan zen. 1532. urtean Frantziari atxikitako atzerriko probintzia bihurtu zen, 1790. urtean administratiboki desagertu eta bost departamendutan zatitu zutelarik: Aodoù an Arvor (Côtes-d'Armor), Penn-ar-Bed (Finistère), Il-ha-Gwilen (Ille-et-Vilaine), Mor-Bihan (Morbihan) eta Liger-Atlantel (Loire-Atlantique). Eskualdekatzean, horietako lauekin Bretainia sortu zuten, Liger-Atlantel kanpoan utziz eta Pays de la Loire eskualdearekin bat eginez. |