Begoña Errazti

Wikipedia, Entziklopedia askea
Hona jauzi: nabigazioa, Bilatu
Begoña Errazti
Begoña errazti.jpg
Bizitza
Jaiotza Barakaldo1957ko abuztuaren 22a (60 urte)
Herrialdea  Bizkaia, Euskal Herria
Hezkuntza
Hizkuntzak gaztelania
Lanbidea
Lanbidea politikaria
Sinesmenak
Alderdi politikoa Eusko Alkartasuna

Begoña Errazti Esnal (Barakaldo, Bizkaia, 1957ko abuztuaren 22a) politikari euskalduna da. Barakaldon jaioa, Iruñean bizi izan da gaztetandik. 1999tik 2007 arte Eusko Alkartasuneko lehendakaria izan zen.

Ikasketak eta jarduera profesionala[aldatu | aldatu iturburu kodea]

Begoña Errazti geografian eta historian lizentziaduna da. Horrez gainera, enpresa kudeaketan master bat egina du.

Arga-Ibaia eskola tailerreko zuzendari izan zen, ibaien tratamenduan gazteak trebatzeko Europako Batasuneko proiektua. Hezkuntza ertainean euskara eta historiako klaseak eman zituen. Deustuko Unibertsitatean ere euskara irakasle izan zen, baita Nafarroako ikastolen elkarteko gerentea ere.

Jarduera politikoa[aldatu | aldatu iturburu kodea]

1995ean Nafarroako Parlamentura aurkeztu zen Eusko Alkartasunaren zerrendetan, independente gisa. 1995-1999 eta 1999-2003 legegintzaldietan EAko talde parlamentarioaren buru izan zen.

1999ko abenduan Carlos Garaikoetxea ordezkatu zuen Eusko Alkartasuneko lehendakaritzan.

2007ko kongresuaren atarian, presidente kargurako ez zela aurkeztuko adierazi zuen. Biltzar hartan, Unai Ziarretak hartu zuen Erraztiren lekukoa. Harrez geroztik, EAJrekiko hurbiltasuna erakutsi du, alderdi honen ekitaldi politiko batzuetara joanez eta 2012ko Eusko Legebiltzarrerako hauteskundeetan Iñigo Urkulluri sostengua emanez.


Aurrekoa
Carlos Garaikoetxea
Eusko Alkartasunako presidentea
Eusko Alkartasuna (logo).jpg

1999 - 2007
Ondorengoa
Unai Ziarreta