Berdintasunerako Emakunde Saria

Emakunde Saria
	Berdintasunerako Emakunde Saria
Babeslea	Emakunde
Herrialdea	Euskal Herria
Lehen sari banaketa	2006
Webgune ofiziala	http://www.emakunde.euskadi.eus

Berdintasunerako Emakunde Saria Emakunde Emakumearen Euskal Institutuak urtero ematen duen saria da, emakumeen eta gizonen arteko berdintasunaren arloan egindako lanarengatik nabarmendu diren pertsona fisiko nahiz juridikoei jendaurreko ezagutza egitea eta lan hori jendaurrean nabarmentzea du xede.

Historia

1990 urtean banatu ziren Emakunde Sariak lehenengoz, komunikazio zerbitzuetako profesionalen lana ikusarazteko helburuaz. 1995 urtean publizitatearen alorra ere gehitu zen sarietara, eta 1997 urtean baita hezkuntza eta kirolen alorrak ere. Hamabost urtetan zehar hirurogei pertsona baino gehiagosaritu zituen Emakundek, eta epaile lanetan maila handiko ehun profesional baino gehiagok egin zuen lan.^[1]

2006an, urteko sari bakarra, Berdintasunerako Emakunde Saria, eskaintzen hasi zen, pertsona edo erakunde bakarra sarituz. Sariaren helburua emakumeen eta gizonen arteko berdintasunaren arloan egindako lanarengatik nabarmendu diren pertsona fisiko nahiz juridikoei jendaurreko ezagutza egitea da eta lan hori jendaurrean nabarmentzea. Emakumeek egindako lana aintzat hartzearren eta emakumeei boterean dagokien lekua itzultzearren egindako lanetan nabarmendu diren pertsonei zuzenduta dago saria, edo sexuen arteko eskubide- eta aukera-berdintasuna sustatzearren lan egin dutenei.^[2]

Erakunde/Pertsona sarituak

Emakunde Saria lortu duten Erakunde/Pertsonak

Urte	Erakundea
2006	Mari Jose Urruzola (1941)^[3]
2007	Bagabiltza elkartea^[4]
2008	Bizkaiko Emakumeen Asanblada^[5]
2009	Lilaton Taldea elkartea^[6]
2010	Teresa del Valle (1937)^[7]
2011	Irungo Martzial Deunaren alardea eta Hondarribiko Jaizkibel Konpania
2012	Bilboko Asistentzia Psikosozialerako Moduluak (Errekaldeberri, Deustu-San Ignazio eta Irala)^[8]
2013	Benta besarkadak / La Posada de los Abrazos^[9]
2014	Maria de Maeztu Forum Feminista^[10]
2015	Arabako Landa Eremuko Emakumeen Sarea eta Hitzez baserriko emakumeen elkartea^[11]
2016	Marta Macho Stadler (1962), matematiketan doktorea eta “Mujeres con ciencia” blogaren arduraduna^[12]
2017	Virginia Imaz Quijera (1962), aktorea, pailazoa, ahozko kontalaria, clownklusionista, gidoilaria, antzerki zzuzendaria...^[13]^[14]
2018	UPV-EHU-ko Berdintasuneko masterra eta Deustuko emakumeen kontrako indarkerian esku hartzeko masterra^[15] / (Máster de Igualdad de la UPV-EHU y Máster de intervención en violencia contra las mujeres de Deusto)^[16]
2019	Concepción María Carranza (Cony Carranza) emakume migratuekin egindako lanagatik.^[17]
2020	Askabide elkartea.^[18]
2021	Lucía Martínez Odriozola (hil ondoren), Berria egunkaria eta Pikara Magazine aldizkaria dira sarituak.^[19]