Errekaldeberri

Errekaldeberri
Euskal Herria
Kokapena
Herrialdea	Bizkaia
Udalerria	Bilbo
Administrazioa
Posta kodea
Geografia
Koordenatuak	43°15′06″N 2°56′46″W
Azalera	1,11 km²
Demografia
Dentsitatea	bizt/km²

Errekaldeberri Bilboko hego-mendebaldean dagoen auzoa da. Bilboko zazpigarren barrutian dago, Errekaldeko barrutian alegia. Auzoak 110,53 hektareako azalera dauka eta 18.179 biztanle (2004ko datuen arabera). Barrutian biztanlerik gehien duen auzoa da, eta honi izena ematen dio. Antzinako Elgera erreka zegoen tokian eraiki da auzoa. Gaur egun erreka horrek lurpeko ibilbidea egiten du Ibaizabal ibaiarekin batu arte.

Urteetan zehar hiritik dezente isolaturik egon da, FEVEren Ametzolako trenbideek bananduta. Gordonizeko eta Urkiola kaleko zubiek bakarrik lotzen zuten hiriarekin. Horrez gain, plangintza ezak eraginda, A-8 Autobideak bitan banatzen du auzoa; etxebizitzak autobidea baino lehenago eraikitzen hasteagatik, etxebizitzetako askok, ondo-ondoan dute autobidea.

Azken urteetan ordea, auzoa hobetuz doa pixkanaka. 1998. urtetik aurrera ordea obra erraldoi baten bitartez trenbideak lurperatu zituzten, horrela auzoa hirigunearekin erabat lotuta geratu da.

Auzoko jaiak ekainaren amaieran antolatzen dituzte.

Kokapena

Bilboko auzoen artean, Errekaldeberri erdialdean dago (gorriz).

Ipar-mendebaldean Basurtu, ipar-ekialdean Ametzola, ekialdean Iralabarri, hegoaldean Arraiz eta Arnotegi mendia eta hego-mendebaldean Iturrigorri eta Uretamendi auzoak mugakide ditu.

Kale garrantzitsuenak

Gordoniz kalea da ardatz nagusia. Honen mendebaldean, paraleloki, Villabaso bidea kalea doa. Ekialdean, bestela, Errekaldeko plaza dago. Kale perpendikularrak, iparraldetik hegoaldera, Goya eta Ciudadela, Errekaldeberri, Altube, Anboto eta León de Uruñuela daude. Gordonizen jarraipena hegoalderuntz Iturrigorri bidea da.

Ciudadela kaleak hego-ekialderuntz Larraskitu errepidearekin jarraitzen du.

Garraioak

Bilbobusek linea hauek lotutako ditu auzoarekin:

Linea	Ibilbidea	Maiztasuna (minutu)
27	Arabella - Betolatza	15´
57	Miribilla - Ospitalea	60´ Asl-Osr.
72	Larraskitu - Castaños/Gazteleku	12´
76	Artatzu/Xalbador - Moyua	20´
77	Peñascal - Mina del morro	12´
A8	San Justo - Ametzola	60´

Larraskitu

Fango kiroldegia, Bilboko Errekaldeberri auzoko goiko aldean.

Larraskitu dugu auzo honetako mendialdeko baserri-auzunea, jatorrizko euskal hiztunen bizilekua izan dena XX. mendearen amaiera arte. Pagasarri mendirako bidean dago, eta azpiegituren aldetik Fango kiroldegia nabarmentzekoa da.

Kukutza

Kukutza gaztetxea erreferentziazko kulturgunea izan zen 15 urtez Bilbon eta Euskal Herria osoan 1996tik 2011 arte. Okupazioa eta autokudeaketaren eredua izan zen. Iñaki Azkuna alkatea zela poliziaren bidez hustu eta eraitsi zuten, protesten artean.

Uretamendi auzorako igoeraren hasieran kokatuta zegoen.

Errekaldeberritar ospetsuak

Euskarazko Wikipedian bada atari bat, gai hau duena: Bilbo

Kanpo estekak

• Datuak: Q657439