Panpa

Panpa Hego Amerikako 600.000 km²ko ordokia da. Rio de la Plataren hego-ekialdean kokatzen da, Argentinan.

Izena

Espainiarrek XVI. mendean eskualdera Andeetatik heldu zirenean, ordokiari pampa izena eman zioten. Pampa edo bamba ketxuaz, "ordokia" esan nahi duelako edo, hobeto esanda "mendien arteko ordokia". Bertoko biztanleei, metonimiaz, izen bera jarri zieten.

Kokapena

Panpa honako Argentinako probintzietara hedatzen da:

• Entre Rios osoa,
• Santa Feko hegoaldea,
• Ia Cordoba osoa,
• La Pampa osoa,
• Ia Buenos Aires osoa eta
• San Luiseko hego-ekialdea.

Azpi-eskualdeak

• Barneko Panpa: Buenos Airesko mendebaldean, La Pampako iparraldean, Cordobako hegoaldean eta San Luiseko ekialdean kokatuta.
• Panpa uhindua: Buenos Airesko kostaldetatik, Parana ibairaino eta hegoaldetik Tandilia eta Ventania mendilerroetatik iparralderaino Carcarañá ibairaino kokatuta.
• Panpa behea: Buenos Airesko Salado ibaiaren arroan kokatuta.
• Goiko Panpa: Cordoba eta San Luiseko mendilerroen ondoan kokatuta.

Gautxoak

Gautxo izeneko abeltzainak eremu zabal hauetako biztanleak izan dira Espainiako konkistatik, aurretik bertako amerindiarrak bizi zirelarik.

Ikus, gainera

• Panpa-lezka