Eraztunen Jauna

Eraztunen Jauna
Eraztuna
Datuak
Idazlea	J. R. R. Tolkien (1937 - 1949)
Argitaratze-data	1954
Generoa	Fantasia epikoa
Jatorrizko izenburua	The Lord of the Rings
Hizkuntza	ingeles
Argitaletxea	George Allen & Unwin Limited (en)
Herrialdea	Erresuma Batua
OCLC	1487587
Euskaraz
Izenburua	Eraztunen Jauna
Itzultzailea	Agustin Otsoa Eribeko
Argitaratze-data	2003
Orrialdeak	1404
ISBN	9788481362589

Eraztunen Jauna (ingelesez The Lord of the Rings) J. R. R. Tolkienek idatzitako eleberri epiko bat da, fantasia epikoaren aitzindari eta gailur. Istorioa Hobbita liburuaren bigarren zati bezala hasi bazen ere, berehala handitu eta sakondu zen. 1937 eta 1949 bitartean idatzi zen (Bigarren Mundu Gerran zehar) eta 1954 eta 1955an hiru liburutan argitaratu zen.

Harrez gero behin eta berriro birplazaratu da, 38 hizkuntzatan guztira, tartean euskaraz. 2001 eta 2003an Peter Jacksonen kaleratutako filmak liburuaren ospea handitu baino ez du egin.

Liburuko garaia zein espazioa asmatua da. Gizakiez gain, beste hainbat arraza (hobbitak, elfoak, nanoak, orkoak...) bizi dira mundu horretan. Izan ere, protagonistak hobbitak dira, zeinen ardura Boterearen Eraztuna suntsitzea den, Sauronek, gaizkiaren jaun ilunak, hartu baino lehen. Hori lortzeko, Eskualde lasaitik gerran eta arrisku imajinaezinetan murgiltzen dira.

Liburua berez garrantzitsua bada ere, aurreko ibilbide baten azken urratsa baino ez da. Tolkien ibilbide mitologiko horretan 1917tik aritu zen, eta bere filologia, mitologia eta erlijio ezagupenek eragin zioten.

Liburukiak

• "Eraztunaren Elkartea"
  • Itzultzailea: Agustin Otsoa Eribeko
  • ISBN 84-8136-259-X
• "Bi dorreak"
  • Itzultzailea: Agustin Otsoa Eribeko
  • ISBN 84-8136-260-3
• "Erregearen itzulera"
  • Itzultzailea: Agustin Otsoa Eribeko
  • ISBN 84-8136-261-1

Ikus, gainera

Wikimedia Commonsen badira fitxategi gehiago, gai hau dutenak: Eraztunen Jauna

• Mendeko 100 liburuak (Le Monderen zerrenda)