Lepauztai

Lepauztai
Irudi gehiago
Xehetasunak
Honen parte	bones of pectoral girdle (en)
Konponenteak	sternal end of clavicle (en) body of clavicle (en) acromial end of clavicle (en)
Artikulazioa	omoplatoa Bularrezurra Clavipectoral triangle (en)
Identifikadoreak
Latinez	clavicula
MeSH	A02.835.232.087.227
TA	A02.4.02.001
FMA	13321
Terminologia anatomikoa

Lepauztaia edo klabikula hezur luzexka bat da, bikoiztua eta ez simetrikoa. Bularraren goialdean eta aurrealdean dago eta eskapularekin batera gerri eskapularra osatzen du.

Bularrezurretik eskapularen akromioneraino luzatzen da, modu ziharrean. Berez besoen eta bularraren arteko lotura bakarra da.

Anatomia

Lepauztaiak goiko eta beheko aurpegia daukate, aurre eta albo ertzak eta baita mutur akrominal eta esternalak ere.

Aurpegiak

Goiko aurpegia: Larruazalaren eta platisimo muskuluaren azpian kokatzen da. Laua da bere ia azalera osoan eta zenbait muskuluren insertzioei dagokien goraguneak dauzka. Muskulu hauek honakoak izan daitezke:

• Deltoidesa: hezurraren alboko herenaren aurrekaldean kokatzen da eta sorbaldaren azaleko muskuluetako bat da.
• Trapezioa: alboko herenaren atzekaldean insertatzen da.

Beheko aurpegia: beheko aurpegiak bere alde medialean muskulu subklabioak eragindako depresio bat dauka. Depresio hau, aponeurosi klabipektoralaz mugatuta dago. Kanpoko ertzean, tuberkulu kostal bat aurkitzen da, lotailu kostoklabikularraren inserzio puntua dena. Mutur akrominaletik hurbil, giltzadura korakoidearen tuberositate izeneko zimurtasunen elkarte bat dago. Hemen, ligamentu trapezoide eta konoideoa lotzen dira. Hezurraren aurpegi honetara, hainbat muskulu heltzen dira:

• Muskulu subklabioa: ildo subklabioan (hezurraren heren medialean)
• Lotailu konoideoa: tuberkulu konoideoan (hezurraren heren lateralean)

  

• Lotailu trapezoidea: Lerro trapezoideoan (tuberkulu konoideo eta mutur akrominalaren artean)

Wikimedia Commonsen badira fitxategi gehiago, gai hau dutenak: Lepauztai

Ertzak

Aurreko ertza: Bi heren medialetan lodia da, ganbila, latza eta bularreko muskulu nagusiaren inserzio gunea da. Heren laterala, ahurra eta fina da eta hemen, deltoidesaren aurreko faszikuluak lotzen dira.

Atzeko ertza: Lodia da, ahurra eta leuna da erdialdeko bi herenetan. Alde laterala aldiz, ganbila da eta trapezioaren eta esternokleidomastoideo muskuluaren inserzio guneak daude.

Muturrak

Mutur akrominala: eremu artikular eliptiko bat dauka, akromionaren barne muturrarekin lotzeko. Gehienetan, aurpegi hau beherantz eta kanporantz begira egoten da eta honek lepauztaia akromionaren goiko alderantz desplazatzera jotzen du.

Mutur esternala: Hezurraren zati handiena da. Azalera artikular triangeluar bat dauka, hezurraren azpiko aurpegian luzatzen dena, esternoi eta lehen sahiets kartilagoarekin lotzeko. Azalera artikular hau zimurtasunez beteta dago, lotailu eta disko artikularren inserzioen eraginez sortuak.

Artikulu hau anatomiari buruzko zirriborroa da. Wikipedia lagun dezakezu edukia osatuz.