Artikulu hau "Kalitatezko 1.000 artikulu 12-16 urteko ikasleentzat" proiektuaren parte da

Trapezio (muskulua)

Wikipedia, Entziklopedia askea
Jump to navigation Jump to search

Trapezio muskulua
Trapezius Gray409.PNG
Xehetasunak
Konponenteak Tendon of trapeziusa
acromiotrapezius musclea
spinotrapezius musclea
clavotrapezius musclea
Trapezius (upper fibres)a
Arteria Enbor tirozerbikalaren zeharkako arteria zerbikala.
Nerbioa Nerbio laguntzailea eta nerbio espinalen C3-C4 adarrak.
Giharraren akzioa lateral rotation of the pectoral girdlea
retraction of the pectoral girdlea
buruaren eta lepoaren tolespen laterala
buruaren hedapena
lepoaren hedapena
Antagonista Serratus anterior musclea
Identifikadoreak
Latinez musculus trapezius
TA A04.3.01.001
FMA 9626
Giharren terminologia anatomikoa
Artikulu hau muskuluari buruzkoa da; beste esanahietarako, ikus «Trapezio (argipena)».

Trapezioa garondoko eta bizkarreko gihar zabala da, garondo hezurretik eta lepoaldeko eta bizkarraldeko ornoetatik lepauztaira eta sorbalda-hezurrera doana. Besoa jasotzen du eta burua jirarazten eta aldeetara makurtzen laguntzen du.[1] Oinarri zabala du( triangelu trapezoide itxura). Horrez gain, trapezioaren gorputz muskularra oso sendoa eta lodia da, bereziki goiko aldean.


Kokapena[aldatu | aldatu iturburu kodea]

Jatorria[aldatu | aldatu iturburu kodea]

T12 ornoaren arantza apofisian hasten da; ondoren, hortik gora dauden ornoen arantza apofisietatik pasatzen da; jarraian, C7 mailan dagoen garondoko lotailuarekin bat egiten du; hortik garondoko kanpoko protuberantzia okzipitalera abiatzen da, alboetarantz zabaldu eta garondoko goiko lerrora iristen da (esplenioarekin batera). [2]

Ezarpena[aldatu | aldatu iturburu kodea]

Arantza eskapularrera, akromionera eta klabikularen kanpo herenera iristen da.

Zuntzak[aldatu | aldatu iturburu kodea]

Trapezio muskulua

Muskulu honen zuntzak goitik behera(zehar) eta behetik gora(lapran) doaz. Beraz, zuntzek norabide desberdina dute:

  • Beheranzkoak:

Garondotik (garondoko marratik eta lotailutik) datozenak lapranki eta goitik behera klabikularen kanpoko herenera eta akromionera iristen dira.

  • Horizontalak:

Beherago, zeharkako zuntzak edo horizontalak daude,C7-T12 ornoen arantza apofisietatik akromionera iristen dira.

  • Goranzkoak:

Behetik hasten dira lapranki goruntz, arantza eskapularrera iritsiz.[3]




Funtzioak[aldatu | aldatu iturburu kodea]

Muskulu honen funtzioak, zuntz moten uzkurketaren araberakoak dira:

  • Goiko zuntzen uzkurketak, eskapula kanporantz eta gorantz mugitzea edo biratzea eragiten du, barrunbe glenoideoa gorantz mugituz. Beraz, besoa gora igotzeaz arduratzen da.Horrela, goiko gorputz adarra enborretik urrundu egiten du.
  • Zeharkako zuntzak uzkurtzen direnean, erronboideari laguntzen diote eskapula erdirantz mugituz. Horrela, besoa atzera mugitzea ahalbideratzen du.
  • Beheko zuntzak uzkurtzean, eskapularen torsioan laguntzen du, hau da, goiko zuntzei laguntzen die besoa gora igotzen.

Orokorrean, eskapularen errotazioa, jasotzea eta itzultzea ahalbidetzen du. Bestalde, alde bateko uzkurketak (batez ere goiko zuntzenak), buruaren albo bateko biraketa eragiten du. Biak batera uzkurtzen direnean, ordea, burua hedatzen da.

Inerbazioa[aldatu | aldatu iturburu kodea]

11. bikote kraneala (nerbio esplenioa edo laguntzailea) arduratzen da trapezioaren inerbazio somatikoaz. Aldiz, nerbio espinalen C3 eta C4 adarrek sentsitiboki inerbatzen dute, bertako sentsibilitatea hartzen baitute.

Odoleztapena[aldatu | aldatu iturburu kodea]

Arteria sublabiotik datorren enbor tirozerbikalaren zeharkako arteria zerbikalak irrigatzen du.

Galeria[aldatu | aldatu iturburu kodea]

Kanpo loturak[aldatu | aldatu iturburu kodea]

Erreferentziak[aldatu | aldatu iturburu kodea]

  1. Lur entziklopedietatik hartua.
  2.   Anne M. Gilroy / Brian R. MacPherson / Lawrence M. Ross / Michael Schünke / Erik Schulte / Udo Schumacher / Markus Voll / Karl Wesker, Prometheus (2013), Atlas de Anatomía, Panamericana, ISBN 9788498357080  .
  3. F. H. NETTER, NETTER, MASSON (2011), ISBN: 9788445820650


Wikimedia Commonsen badira fitxategi gehiago, gai hau dutenak: Trapezio (muskulua) Aldatu lotura Wikidatan